2 Tesalonika 2:9 - Wapongte Mic-Yowa Gbolicne

⁹ Ngic yogo ye Satangti bafuwame gadaicte. Ye ngic-ngigac kwesac aiyelenale tapiliine sasawa nga pasile maaine ailu pasi mi ngani-nganiine kwesacineholec edalicebadaicte.

2 Tesalonika 2:9 ပူးပေါင်းရင်းမြစ်များ

Mataio 12:22

Yenge ngic monic alengkolec ailu dongeine pisickeicne ailu yowaine mikac, ye Yesula balu hikeibong. Hikebong yedi ngic yogo bamadickeme yowa miwec, ailu dongeine hilawec.

Mataio 24:24

I yangucte, ngic fikelu kwesac ailu midaingte, ‘Na Mesia.’ Yenge nga siduc-mimi ngic kwesacine yenge fikelu ngic-ngigac kwele basifuc aiyeledaingte. Ailu ngic-ngigac kwesacebalu pasile maa sugucne nga pasi mi ngani-nganiine badaingte. Ailu yenge yefe monic bafuwadaingtewa, ngic-ngigac bawosaecebaicne inguchac kwesacka bacebadaingte, aime yefe ingucne monic mi fagac.

Mataio 4:10

Inguc mime Yesudi yanguc edowec, “Satang, ga baickenong. Yowa yanguc kwelengkeicne fagac, ‘Ga Sugucne Waponggone, ye moniyang sugu afeelu kwelec kwecnodamec.’ ” (Yef 6:13)

Mareko 13:22

I yangucte, ngic fikelu kwesac ailu midaingte, ‘Na Mesia.’ Yenge nga siduc-mimi ngic kwesacine yenge fikelu ngic-ngigac kwele basifuc aiyeledaingte. Ailu ngic-ngigac kwesacebalu pasile maa nga pasi mi ngani-nganiine badaingte. Ailu yenge yefe monic bafuwadaingtewa, ngic-ngigac bawosaecebaicne inguchac kwesacka bacebadaingte, aime yefe ingucne monic mi fagac.

Luka 11:25

Inguc milu hikelu mac yogo biyac pelengkelu bamadickeicne nganigac.

Yoane 4:48

Inguc mime Yesudi yanguc edowec, “Ngenge pasile maaine nga pasi mi ngani-nganiine mi nganidabongka, nalic mi ngagesingkedabong.”

Yoane 8:41

Ngenge mamacnginengte gaga nga aibaba balaibecaigaing.” Inguc mime yengi yanguc miibong, “Nonge selo-boic aibaba iwacni monic mi fikeibeng, miyacbenang. Nonge Mamacnonggeng moniyang, yogo Wapong.”

Yoane 8:44

Aime Aleng Sugucnengineng, yedi hocne ngengele mamacngineng aime yele angacka aibaba fagac, ngenge yogo ainogale aingelecaigac. Ye esecnehac ngic-wewe gacaigac. I yangucte, yele ngage-ngagewa aibaba noine mi fagac, ye kwesac-ngic ailu ye kwesacka wawelu gagac. Ilec ailu ye kwesacte mamac ailu yowa kwesacine milu gacaigac.

Salecebaicne 13:10

“Aleng Sugucnenginengte madec, ga Sugucnele yefe dondonne fagac, yogolec ngaba sanangne ailu gaengka kwelegona kwesac nga sowacnedi wakeyackeicne. Ga Sugucnele yefe dondonne faemewa basowalecaigic, dameng dalicne inguc gacaigac. Aibaba yogo mi hegiledamecte, me?

2 Korin 11:14

Aibaba ingucne aibong ngenge mi kwatackedaing. Satang ye ingucnehac yeicne silicine bafaliyeme angocte angelo, yogo ingucne aicaigac.

2 Korin 11:3

Ngenge Kristo ngagepangkelu gbagbacne galu kweledi yele sugu angac ngagegaing. Aime hemadi Ewa kwesackelu lokwesacka lowec. Silicine ingucnehac monicti gagacka, gagangineng gbagbacne nga Kristole angac sugu ngagecaigaing, yogolec ngage-ngage ewalicngebadaickale, hangocnugac.

2 Korin 4:4

Aime dameng yagolec wapong, yogo Aleng Sugucnengineng, yedi ngic-ngigac bacebame ngage-ngagesingngineng mikac gagaing. Ailu yenge Kristole wac feicnele Siduc Madicnedi bacebame yegengkecaigaing, yogo mi nganiningte ngage-ngagengineng hedickecaigac. Ailu Kristo ye Wapong edalicnubagac.

Efesas 2:2

himongte gagawa nga aleng yengele ngictau tapiliineholec balaibeibong. Ailu yakumac yowa wewe ngic gagaing, yengele ngictau yogolec bole balu gagaing.

2 Timoti 3:8

Aime esecne Yanes nga Yamberes yeke Mosesle yowa hedickeiboc, ingucnehac ngic migabac, yenge ngage-ngage kwesacineholec galu yowa noine hedickecaigaing. Ailu ngage-ngagesingte yefe lilogaing.

Yakobos 3:15

Ngage-ngage-motoc kwesacine ingucne yogolec fungine honocmengkacni miyac, yogobac himongkacni, ailu kwele esecne nga aleng yengele bole.

Miyegengkeicne 12:17

Gbokeme hematowa ye ngigac yele aalic ngagewec. Ngagelu hike ngigac yele adu-madecfocine Wapongte ung-yowa balaibelu gacaigaing, ailu Yesu Kristole siduc yogo mibong yegengkeme balaibecaigaing, yenge hudu sugucnedi wecebanale hikewec.

Miyegengkeicne 12:9

Aime hematowa ye hema esecne, yele wac monic Aleng Sugucnengineng nga Satang, ye nga angelofocine wicebabong himongka waibong. Yedi himongtowawa ngic-ngigac sasawa kwesacka mengocebame yenge ye balaibecaigaing.

Miyegengkeicne 18:23

Gale kweliwa hifa angocine hatacmac nalic mi kweme angoledaicte. Aime ngic-ngigac banagunogale aiboc, yekele kwele-madicte aukwecaigaing, ucine ingucne gale kweliwa hatacmac nalic mi ngagedaingte. I yangucte, gale ngic-ngigac yenge woc-wiyac salecaigaing, yenge himongte ngic-ngigac sugucne gaibong. Nga ga mosoc aibabagone sowacnedi himongne himongne yogolec ngic-ngigac sasawa kwele basifuc aiyeleing.

Miyegengkeicne 19:20

Aime siduc-mimi ngic kwesacinedi hudu-baba-sicte haicka pasile maaine balu gawec. Ailu ngic-ngigac hudu-baba-sicte maa bayackeibong. Ailu yele ilucine afeelu gaibong, yenge yedi kwele basifuc aiyelewec. Aime ngic becosicka ngiyewec nga alingfocine yengi hudu-baba-sic nga siduc-mimi ngic kwesacine yeke bacepalu, dac nga salfadi lobelu kiwec ingucne ailu fagac, yogolec kwelina gbolicne wicepabong hauiboc.

Miyegengkeicne 20:10

Lobecebayackeme Aleng Sugucnengineng ye ngic-ngigac kwesacebawec, ye dac nga salfadi lobelu kiwec ingucne ailu fagac, yogowa wickebong hauwec. Aime hudu-baba-sic nga siduc-mimi ngic kwesacine, yeke iwa momochac galu deboc hadeng doic ngagedaingte ailu ngagenowagaing, yogo moto-motoine mikac.

Miyegengkeicne 9:11

Long sugucnebenang, yogolec angelodi yengele ngictaungineng gawec. Yele wacine yogo Hibru yowawa Abadon, nga Grik yowawa Apolion.