2 Pita 1:12 - Wapongte Mic-Yowa Gbolicne

¹² Ngenge yowa noine biyachac ngagelu balu gaibong, yogo ngagegabac. Ailu sifu damengsoc yowa yogo hatacmac edocngebanogale ngagegabac.

2 Pita 1:12 ပူးပေါင်းရင်းမြစ်များ

Salecebaicne 16:5

Yenge bole inguc babong Yesule habu yengele ngage-ngagesing sugulewec. Aime damengsoc ngic-ngigac yenge habu yengela hikelu taockebong homacne aiibong.

Filipai 3:1

Ilec yanguc taockelu migabac, ngic hae-gbafocne, ngenge Sugucneholec wetackelu belic-belicka gadabiyeng. Na yowa molickelu kwelengkengeleiba, yogo hatacmac kwelengkengelenogale mi takicnugac, miyac. Ngenge yowa yogodi asa bacngebadaicte.

Kolosi 2:7

I yangucte, ngenge yela godocngineng sanangne bame sugule-sanangkedabiyeng. Ailu yowa edocngebalu wedungelewec, yogodi ngage-ngagesingngineng basanangkeme domadaing. Aime ngengela kwele-madic yowa ingucnehac wakelu fagidaic.

1 Timoti 4:6

Ga ngic hae-gbafocnonggeng yowa yago edocebalu weduyelegic, dameng iwa Kristo Yesule mole-bafic ngic madicne aidamecte. Mole-bafic ngic ingucne gadamectewa, ngage-ngagesingte yowa madicne wedugelebong balaibeing, yogodi ngage-ngagegone basanangkedaicte.

2 Timoti 1:6

Ilec ailu yanguc edocgugabac, na molickelu molene feigona loiba iwa Wapongti kwele-madicinele tapili monic gelewec, yogo hatacmac hole-gboliyecte ngagesigabac.

Hibru 10:32

Ngenge molickelu Yesule angoc baibong, dameng iwa Siduc Madicnele ailu boletowa balu doic ngageibong, yogo mi ngigecngebadaic.

Hibru 13:9

Wapongte kwele-madicti kwele ngage-ngagengineng basanangkeme sanangne domadaingte, yogodi wiyac madicne. Aime noba-nosingte yefe-yowa haicine monic-monic yogodi kwelengineng nalic mi basanangkedaicte. Ilec ngenge yowa kwesacine gbolicne haicine monic-monic wedungelebong yowa ingucnedi mi mudocngebadaic.

1 Pita 5:10

Wapong kwele-madic fileine, yele wac feicnedi fafa-sanang fagac, iwa ngengi Yesu Kristoholec ganingte yedi wacngebawec. Ailu ngenge doicka dameng bangkacnemac gaebongka, Wapong yeuctihac bamadicngebalu nenggac ngiyengeleme sanangkelu domadaingte.

1 Pita 5:12

Sailas ye ngage-ngagesingkolec ngic hae-gbanonggeng yele yanguc ngagelu migabac, ye bolewa sanangne domalu baficnume hibi bangkacne yago kwelengkengelegabac. Na Wapongte kwele-madic noine yogolec mibasanang ailu mibe yegengkegac, ngenge yogolec hewacka sanangne gadabiyeng.

2 Pita 1:13

Ailu socne yago hegilenogale damengngine bangkalegac, Sugucnenonggeng Yesu Kristodi yogo biyachac mime yegengkeme ngageiba. Ilec sockolec gagabac, iwa yowa gocne hatacmac edocngebanogale ngagebe dondongkegac.

2 Pita 1:15

Aime na bole yogo damengsoc mamang hidulu balu gagabac. Bagacgu homabe, yowa yogo mi ngigecngebadaicte.

2 Pita 3:1

Agofocne kwelenedi ngengele angac ngagegabac, ngengele hibi alecine yaeckang yago kwelengkengelegabac. Hibi yaeckang yagodi kwele ngage-ngagengineng hole-gboliyeme ngage-motolu gbagbacne gadabiyeng.

2 Pita 3:17

Agofocne kwelenedi ngengele angac ngagegabac, ngenge yogo biyachac ngageibong. Ilec yefe-yowa wecaigaing, yengi mengocngebabong ede-sufalelu yefe sanangne iwacni wawedaingkale, ngenge damongnagulu sanangne gadabiyeng.

1 Yoane 2:21

Ngenge yowa noine mi ngagegaing milu ngengele hibi yago mi kwelengkegabac, miyac. Ngenge yowa noine ngagegaing. Aime yowa noinacni kwesac monic mi kwesicaigac, yogo ngage-motogaingte ailu hibi yago kwelengkengelegabac.

2 Yoane 1:2

Aime yowa noinedi nongileng kwelewa fagacte inguc aigabeleng. Ailu damengsoc nongilengkolec faginowagac.

Yude 1:17

Agofocne kwelenedi ngengele angac ngagegabac, Sugucnenonggeng Yesu Kristole salecebaicne yenge wiyac fikenale esecne miibong, ngenge yowa yogo ngagesidaing.

Yude 1:3

Agofocne kwelenedi ngengele angac ngagegabac, Wapongti nongileng momoc wasecne ainangte bamadicnubawec, yogolec hibiwa yowa kwelengkengelenogale efeckebenangkeiba. Aime yowa yogo hegilelu ngic gocne hewacnginang sangke-sangke biyac ofeibong gagainghac, yengele ailu yowa monic kwelengkenogale ngagegabac. Yowa yogo yanguc, ngenge yefe wenucka Wapong ngagesingkenangte yedi esecne yeicne bingec nongileng ngage-ngagesing noleyackeme damongkeibeng, yogolec hudu sanangnehac wedabelengte. Ailu ngenge yogo mi hegileningte sanangne migabac. Wapongte hibiwa ngic yogo yengele ngagelu esecnehac yowa yanguc kwelengkeicne fagac, “Wapong ye aibabangineng wosaelu mimoctome bikicte ameine fikeyeledaicte.” Ngic yogo yenge himongte aibaba balaibebong Wapongnonggengti kwele-madicte pasi bame yenge bafaliyelu mibong socnginengte gagale angac ngagelu sowacnele aka monic mi holecaigaing. Ailu yenge Filenonggeng nga Sugucnenonggeng Yesu Kristole ngagebong ngic waicne aime bisockecaigaing.

Yude 1:5

Ailu ngenge yago biyachac ngageibong. Aime hatacmac hole-gboliyengelenogale ngagegabac. Sugucnedi molickelu ngic-ngigacfocine Isip himongka umackacni bamoctocebame kwesiibong. Aime yogolec lobeinabac ngic-ngigac yogo yenge mi ngagesingkeibong, yenge wecebame homayackeibong.