2 Korin 7:13 - Wapongte Mic-Yowa Gbolicne

¹³ Yogodi basanangnubame gagabeleng. Galu taockelu yanguc ngageibeng, ngenge sasawadi Titusle kwele nga asuine yogo bamogungkelu tapili gbolicne bafuwacnoibong. Nonge yogo ngagelu belic-belic sugucnehac ngagebeng yogodi basanangnubawec.

2 Korin 7:13 ပူးပေါင်းရင်းမြစ်များ

Roma 12:15

Ngic-ngigac beliyelu gacaigaing, ngenge yengeholec beliyedabiyeng. Ailu ngic-ngigac hiyacaigaing, ngenge yengeholec hiyadabiyeng.

Roma 15:32

Inguc aibong Wapongti ngageme madickeme ngengela kwesi sulumelu belic-belicka ngiye-ngagelu nongileng momochac basanang-nagudabelengte.

1 Korin 12:26

Aime soc nebocine monicti doic ngagedaictewa, socine nebocine gocne yenge sasawa momochac bafickelu doic ngagegaing. Nga soc nebocine monic wac feicne badaictewa, soc nebocine sasawa yenge momochac beliyegaing.

1 Korin 16:13

Ngenge deboc-gboli galu damongnagulu efeckelu ngagesingkelu sanangne domadaing. Ngenge hangoc mikac galu sanangne gadabiyeng.

1 Korin 16:18

Ailu yenge nale asu nga ngengele asungineng momochac yeuckebong madickeibeng. Ilec ngenge ngic ingucne yengele madicnengineng yogolec mibong yegengkedaic.

2 Korin 2:13

Fulu ngic hae-gbane Titus basackelu asunedi kwele-mogung mi bafuwame wenac-madic milu locebalu Masedonia prowinswa hikeiba.

2 Korin 2:3

Aime ngengela fube gocne ngengi belic-belic bafuwanelecaigaing, yogolec ngagebe madickegac. Ngenge kwele-umac bafuwangeledackale ailu, hibi monic kwelengkengeleiba. Na ngengele yanguc ngage-benangkegabac, belic-belic nala fadaictewa, ngenge sasawadi beliyedaingte.

2 Korin 7:14

Na Titusle haicka ngenge mitengngebalu yanguc edoiba, ye ngengela fulu nganicngebame na mi gamenuwec. Nonge ngengela fulu yowanonggeng sasawa yogo noine miibeng, silicine ingucnehac Titusle haicka mitengngebabeng noine fikewec.

2 Korin 7:15

Ye ngengele ngagelu kweleinedi angac sugucnehac ngagegac. Ye ngengela fume ngengi mac holecnolu hangoc ailu dengdengngebame yowaine ngageibong, ye yogo mi ngigeckewec.

2 Korin 7:6

Aime Wapong ye ngic-ngigac kwele-umackolec gabong basanangebacaigac, yeuctihac Titus saleme nongela kwesiwec, yogodi basanangnubawec.

Filipai 2:28

Aime ngengi ye nganilu beliyedaingte. Aime na kwele-sowac mikac ganogale ye salebe ngengela fudaicte, yogo sanangnehac ngagesigabac.

2 Timoti 1:16

Aime sifu muc-macka ngiyeebewa Onesiforus ye Roma taonka kwesilu sanangne basacnulu gacgu bafuwacnuwec. Ailu senti hefecnuibong, yogolec mi gameeme dameng bocyac basanangnume madicne gaiba. Ilec Sugucnedi Onesiforus golowacfocine kwele-sowac aiyeledaic.

Filemon 1:20

Ga foinac ngic hae-gbane, Sugucnenonggeng Kristole ailu na baficnung kwelene hole-gboliyedaic.

Filemon 1:7

Ngic hae-gbane, kwelegonedi Wapongte bingec yenge ago bacebalu angac ngageyelelu kwelengineng hole-gboliyecaigamec. Yengela inguc nganiibale aibabagone yogodi basanangnume homacnehac beliyegabac.

1 Pita 3:8

Yowa kpatulelu mibe, ngenge sasawadi kwele ngage-ngagengineng moniyang fadaic. Ngenge kwele-sowac aiyelelu kweledi angac ngagelu aiyelelu kwele-sowacka baficebalu ngengileng bawacnagulu gadabiyeng.