2 Korin 6:13 - Wapongte Mic-Yowa Gbolicne

¹³ Adu-madecfocne, na yakumac ngengele yanguc migabac, nongi ngengele aicaigabeleng, silicine ingucnehac ngengi hefaliyelu kwelenginengti nongele angac sugucnehacbenang aingeledaic.

2 Korin 6:13 ပူးပေါင်းရင်းမြစ်များ

Mareko 11:24

Na ilec ailu yanguc edocngebabe, ngenge wiyac yogolec me yogolec ngagesilu badabelengte, inguc ngagelu ngagesingkelu milockebong, wiyac yogo fikengeledaicte.

Galata 4:12

Ngic hae-gbafocne, na ngenge ingucne gaiba. Ilec ngenge na ingucnehac ainingte dogbac ailu edocngebagabac. Na ngengi monic mi basowalecnuibong.

Galata 4:19

Adu-madecfocne, na ngengele ailu hatacmac doic gado ingucne hicnulu gagac, inguc ailu gabe Kristole aibabadi ngengele kwelewa fike-benangkedaic.

1 Tesalonika 2:11

Ngenge Wapongte ngani-damong nga wac feicne iwa ganingte yedi hefolecngebawec. Ngenge yele ngage-ngage nga angac balaibeningte ailu mamac monicti yeicne adu-madecfocine bacebacaigac, nongi silicine ingucnehac dogbac aingelelu mibakoloc aingeleibeng, yogo ngagegabiyeng.

1 Yoane 2:1

Adu-madecfocne, ngenge bikic mi baningte hibi yago kwelengkegabac. Aime monicti bikic bafuwadaictewa, nongileng ngic-hewacnonggeng monic gagac, yogo Yesu Kristo. Ye ngic dondonnedi Mamacte dongewa pasi dondonne bacaigac.

1 Yoane 3:18

Adu-madecfocne, “Nongileng kweledi angac ngageyelelu aiyeledabeleng.” Yogo micti me yowadi sugu mi midabeleng, miyac. Nongileng aibaba yogo noineholecbenang aidabeleng.

1 Yoane 3:7

Adu-madecfocne, monicti bikic nalic aidaingte milu kwesacka mengocngebame ngenge ye mi balaibedabiyeng. Monic ye aibaba dondonne aicaigac, ye Yesu ingucne ngic dondonne gagac.

3 Yoane 1:4

Adu-madecfocne yenge yowa noina gagaing, yogo ngagebe belic-belic yogodi wiyac sasawa ewalicaigac.