2 Korin 12:14 - Wapongte Mic-Yowa Gbolicne

¹⁴ Ngagegaing, ngengela hatacmac funogale efeckegabac, fube alecine habackang aidaicte. Fulu socte babaficte umac mi ngeledacte. Adu-madec yengi nenggac-mamac yengele wiyac mi bakpaduc aidaingte, miyac. Nenggac-mamac yengibac adu-madecfocngineng yengele wiyac bakpaduc aidaingte. Ilec na woc-wiyacngineng banogale mi fudacte, miyac. Na ngengele ailu fudacte.

2 Korin 12:14 ပူးပေါင်းရင်းမြစ်များ

Salecebaicne 20:33

Aime na ngengeholec galu ngakpi-kpoluc me hiye-monengte andac mi aingeleiba.

1 Korin 10:24

Monic ye madicne yeicna fikenale ngagelu aibabaine madicne mi aidaic, miyac. Ngenge ngic-ngigac yengela madicne fikenale ngagesilu aibabangineng madicne aidaing.

1 Korin 10:33

Aime ngic-ngigac bocyac bikicte ameine bame wasecne aibong yengela madicne fikenale ailu bole yogo balu gagabac. Na neicna madicne fikenale mi balu gagabac.

1 Korin 11:34

Aime Wapongti tutumangnginang bikicte amengineng mimoctodaickale, ngic monic nosingte homadaictewa, ye macina ngiyelu nosing nolubac kwesidaic. Ailu yowane tofaine fagac, yogo ngengela fulubac taockelu edocngebadacte.

1 Korin 16:5

Na Masedonia yefe hikenogale ngagelu Masedonia falockelubac ngengela fudacte.

1 Korin 4:19

Aime Sugucnedi ngageme madickedaictewa, dameng mi daliweme na ngengela fudacte. Ailu soc bafefe aling yenge yowangineng sugu mi ngagedacte. Fulu tapilingineng wenuc fagac, tapili yogo ngani-ngagec aidacte.

1 Korin 9:12

Aime ngic gocne yenge ngengelacni wiyac gocne nalic badaingtewa, nongi yogo taockelu hatacmac badabelengte, me? Aime nalic badabelengte. Aime sifu nonge Kristole Siduc Madicnele aka holedabelengkale, ngengelacni wiyac nalic banogale ngagecaigabeleng, yogo ngengelacni mi bacaigabeleng. Nonge wiyac banogale socte umac haicine monic-monic balu gagabeleng.

1 Korin 9:18

Aime ameinele silicine yanguc aigac, na Siduc Madicne mibe yegengkeme wiyac banogale miicne, yogo hegilelu moc sugu nalic mibe yegengkedaicte.

1 Korin 9:19

Ngic monicti nale aka mi lowec, miyac. Aime nabac ngic-ngigac bocyac kpaducebabe Kristoholec wetackeningte ngagelu, yengele bagewa nalic kwelec kwekwe ngicngineng ailu gacaigabac.

2 Korin 1:15

Na molickelu yogo ngagesilu yanguc ngageiba, na ngengela yefe fulu falockelu Masedonia prowinswa hikedacte. Hikelu hatacmac ngengela hefaliyelu kwesidacte. Kwesibe ngengi baficnulu Yudeya himongka salecnudaingte. Na inguc aidactewa, molickelu ngengela fulu hatacmac hefaliyebe, ngengi nale ailu alecine yaeckang kwele-madic ngagedaingte. Aime sifu inguc mi aiiba.

2 Korin 11:9

Ailu na ngengeholec galu wiyac gocnele kpungkeiba. Kpungkelu umacne yogo ngengelacni ngic monic mi lacnoiba, miyac. Ngic hae-gbafocnonggeng Masedonia prowins iwacni kwesiibong, yengibac woc-wiyacte kpungkeiba, yogo sasawa baficnuyackeibong. Inguc aibong na umac monic mi ngeleiba. Ailu monic mi ngeledacte.

2 Korin 12:13

Ailu Yesule habu gocne yengele hewacka bole baiba, yogo ngengeholec galu silicine monic baiba, ngenge inguc ngagegaing, me? Wiyac moniyang sugu fagac, na moneng-mafale ailu umac monic mi bafuwangeleiba. Yogo nganibong sowacne aiibawa, ngenge nale sowacne yogo hegiledaing.

Galata 4:19

Adu-madecfocne, na ngengele ailu hatacmac doic gado ingucne hicnulu gagac, inguc ailu gabe Kristole aibabadi ngengele kwelewa fike-benangkedaic.

Filipai 4:1

Ilec ailu, ngic hae-gbafocne, kwelenedi ngengele angacnume nganicngebanogale ainelegac. Ngengi belic-belic bafuwanelebong angacnugac. Ailu agofocne kwele-angackolec, ngenge yogolec ailu Sugucneholec wetackelu sanangne gadabiyeng.

Filipai 4:17

Inguc mibe ngengi hatacmac wiyac neleningte milocnubagac, inguc mi ngagedaing. Na ngagebe ngenge ameine madicne lobewa badaingte.

1 Tesalonika 2:11

Ngenge Wapongte ngani-damong nga wac feicne iwa ganingte yedi hefolecngebawec. Ngenge yele ngage-ngage nga angac balaibeningte ailu mamac monicti yeicne adu-madecfocine bacebacaigac, nongi silicine ingucnehac dogbac aingelelu mibakoloc aingeleibeng, yogo ngagegabiyeng.

1 Tesalonika 2:8

Ailu nonge ngengeholec galu kwelenonggengti ngengele angac ngagelu angacka Wapongte Siduc Madicne wedungeleibeng. Ailu yogo sugu miyac, nonge ngengele inguc ailu gaganonggeng hegilenogale ngageibeng.