1 Korin 3:8 - Wapongte Mic-Yowa Gbolicne

⁸ Aime ngic wiyac duwecaigac nga ngic misa feina lowacnocaigac, yeke bolenginecte fungine moniyang aigac. Lobewa gacgu yeke bolenginecte fuli filesoc badabiyecte.

1 Korin 3:8 ပူးပေါင်းရင်းမြစ်များ

Mataio 16:27

Aime Ngicte Madecti Mamactacni tapili nga hibi-angocineholecti angelofocine yengeholec kwesilu ngic-ngigac sasawa aibabangineng aicaigaing, yogolec silicina ameine baduyeledaicte.

Luka 19:19

“Inguc mime ngictaudi miwec, ‘Ga taon 5 yogolec damong locgugabac.’

Roma 2:6

I yangucte, “Wapongti ngic-ngigac filesoc filesoc aibabangineng ngani-ngagec aiyelelu ameine baduyeledaicte.” (Mige 62:12; Ynn 24:12)

1 Korin 15:58

Ngic hae-gbafocne kwelenedi ngengele angac ngagegabac, ngenge Sugucnele bole bacaigaing, yogo noineholec aicaigac, ngenge yogo ngagegaing. Ilec ngenge mi tulickedabiyeng, ngenge damengsoc sanangne domalu Sugucnele bole basuguledabiyeng.

1 Korin 3:14

Monic ye mac bame dacti boleine yogo mi lobeme sanangne domadaictewa, ye bole yogolec fuli badaicte.

1 Korin 3:7

Ngic nosing duwecaigac, ye ngic omane. Nga nosing feina misa lowacnocaigac, ye inguchac ngic omane. Wapongti wiyac basugulecaigac, yeuc sugu feicne aigac.

1 Korin 3:9

Noke Wapongkolec bole balu gagabelec. Aime ngenge Wapongte nosing-bole ailu yele mac aigaing.

1 Korin 4:15

Ngenge Kristoholec wetackelu gaebongka, damongfocngineng 10 taosen, yengi yowa madicne edocngebacaigaing. Aime ngenge sifu mamacngineng moniyang sugu gagac. Nani hocne mamacngineng fikelu Siduc Madicne edocngebabe Kristo Yesuholec wetackeibong.

1 Korin 9:7

Hudu-baba ngic monicti hudu bole balu yeuctihac boleinele fuli moneng nalic mi lanagudaicte. Nga monic ye waing duweme noine aime yeuctihac noine balu nodaicte. Aime monicti lama-bulumaka yengele damong gacaigac, ye yengelacni amuc balu nocaigac.

Galata 6:4

Ngenge filesoc filesoc aibabangineng ngani-wosaec aidaing. Aime monic ye nganime yeicne aibabaine nalic aime, yogolec kwele-madic yeicna fadaic. Inguc facnodaictewa, gocne yengele aibaba yogo nganilu mi wosaedaicte.

Galata 6:5

Ngic yenge bolengineng filesoc filesoc badaingte.

Hibru 6:10

Wapongti yefe dondonna yowa nga aibabangineng wosaedaicte. Ngenge bole bacaigaing ailu kweledi yele wacte angacngebacaigac, ye yogo nalic mi ngigeckedaicte. Ailu ngic-ngigac Wapongte bingec yogo ngengi ngani-bafic aiyeleibong. Ailu taockelu aiyelelu gagainghac, ye yogo ingucnehac nalic mi ngigeckedaicte.

1 Pita 5:4

Inguc gaebongka Damong Sugucnedi lama-damong ingucne fikelu yegengkedaicte, dameng iwa yedi wac feicne dangke-dangkeine mikac ngeledaicte.

2 Yoane 1:8

Ngenge yogolec bulongineng madicne balu damongnagulu gadaing. Wiyac banogale boletowa baibeng, yogo hegiledaingkale, damong balu fulingineng bucbuchac badabiyeng.

Miyegengkeicne 2:23

Aime na yele adu-madecfocine hucti wecebabe homadaingte. Inguc aibe Yesule habu sasawadi yanguc ngage-motodaingte, na ngage-ngagewa nga kwelewa ngani-wosaec ngic. Na ngenge filesoc filesoc aibabanginengte silicka ameine badungeledacte.

Miyegengkeicne 22:12

“Ngagegaing, na ‘A’ nga ‘Y’, molic-molic nga lobe, ailu molic-molicine iwacni moto-motoine. Na biyac kwesilu ngic-ngigac filesoc filesoc aibabanginengte ameine yelenogale balu kwesidacte.