1 Korin 1:14 - Wapongte Mic-Yowa Gbolicne

¹⁴ Na ngengelacni monic misa mi lowacnoiba. Ilec ailu Wapong kwele-madic micnogabac. Krispus, nga Gaius yeke sugu lowayeteiba.

1 Korin 1:14 ပူးပေါင်းရင်းမြစ်များ

Salecebaicne 10:48

Inguc milu yenge Yesu Kristole wacka misa lowaningte milu edocebawec. Ailu yengeholec hadeng gocne ngiyenale uwacnoibong.

Salecebaicne 18:8

Aime Yuda ngic-ngigac yengele kpakpaduc macte damong wacine Krispus, ye nga golowacfocine yenge Yesu ngagesingkeibong. Aime Korin ngic-ngigac homacnedi Polle yowa ngagelu Sugucne ngagesingkelu misa lowaibong.

Roma 16:23

Gaiusdi Yesule habu sasawa nga na Pol, nonge momochac macina locnubacaigac, yedi ngengele wenac-madic inguchac lome fugac. Ailu taonte moneng-damong Erastus, nga ngic hae-gbanonggeng Kwatus, yeke inguchac kwele-madicnginec loboc fugac.

1 Korin 1:15

Ilec ailu monicti yanguc mi midaic, “Na Polle wacka misa lowaiba.”

1 Korin 1:4

Wapongti Kristo Yesule ailu kwele-madic aingelewec. Yogolec ailu na damengsoc ngengele ngagelu Wapongne kwele-madic edolu gagabac.

1 Korin 14:18

Na yowa monicka yefe bocyacbenang milu ewalicngebagabac. Ilec Wapong kwele-madic micnogabac.

2 Korin 2:14

Aime Wapongti hudu ewalime nonge Kristoholec wetackelu gabeng bacnubame damengsoc yeicne alingka mengocnubame nganibong yogodi feicne aigac. Inguc aime macsoc hikebeng, Yesule siduc yogo hoine madicne ailu yogodi bolenonggang fikelu hikecaigac. Ilec Wapongte kwele-madic micnogabeleng!

Efesas 5:20

Ailu ngenge Sugucnenonggeng Yesu Kristo, yele wacka damengsoc Wapong Mamac wiyac sasawale kwele-madic edodabiyeng.

Kolosi 3:15

Inguc gaebongka Kristole kwele-moniyangti kwelengineng damongkedaic. Ngenge soc moniyang inguc ainingte yedi biyachac wacngebawec. Ailu Wapong kwele-madic micnolu gadabiyeng.

Kolosi 3:17

Ngenge wiyac sasawa midaingte me aidaingte, ngenge yogo Sugucne Yesule wacka aidaing. Ailu ngenge ye ngagesilu Wapong Mamac kwele-madic edodabiyeng.

1 Tesalonika 5:18

Aime ngengela wiyac sasawa fikengeledaicte, yogolec Wapong kwele-madic edodabiyeng. Ngenge Kristo Yesuholec wetackegaing. Ilec ailu Wapong ye aibaba yogolec ngageme angacine aicaigac.

1 Timoti 1:12

Ailu na molickelu Yesu sulelu habufocine weyebic aiyelelu kindololo ngic gaiba. I yangucte, na aibaba noine mi ngage-motolu Yesu mi ngagesingkelu kosa gaiba. Ilec ailubac Sugucnenonggeng Kristo Yesudi kwele-sowac ainelewec. Ye nale ngageme yowaine balaibecaigabacte ailu, tapili nga boleine neleme balu gagabac. Ilec yele kwele-madic micaigabac.

Filemon 1:4

Filemon, ga Sugucne Yesu ngagesingkelu Wapongte bingec sasawa yengele kwelegonedi angac ngageyelecaigic, gale siduc inguc ngagecaigabac. Ilec ailu mimilocna gale ngagelu damengsoc Wapong kwele-madic edolu gagabac.