SAN MATEO 13:3 - New Testament in Mixtec Atatláhuca

³ Te jíín jnúhun yátá ni cahān yā cuehē jnūhun nuū i, te súcuan ni cahān yā: Ɨɨn tēe cate trigo, ni quenda de jeē cáte de.

SAN MATEO 13:3 ပူးပေါင်းရင်းမြစ်များ

SAN MATEO 13:4

Te ná ni quejéé de jéte de, te jecu trigo ni jitē yuhíchi. Te ni quecoo saa, ni cayeji tɨ̄.

SAN MATEO 13:53

Te ná ni ndɨhɨ ni cahān Jesús tāca jnúhun yátá yáha, te ni quenda ya yūcuan cuáhān yā.

SAN MATEO 22:1

Yūcuán na te ni cahān tucu Jesús ɨnga jnūhun yátá jíín de jíjnáhan de:

SAN MATEO 24:32

’Vijna te scuáha ró ndese sáha nundēhe higo: Núu je ni nane numa, te ni najee ndaha, te cájini rō jeē jé ni cuyajni tiempo jihní.

SAN MARCOS 12:1

Te ni quejéé yá cahán yā jnūhun yátá jiín de jíjnáhan de: Ɨɨn tēe ni nachuhun de cuehē uva, te ni jesɨ de corral, te ni sáha de ɨɨn nuū cúhun ndehē un táxīn. Te ni sáha de ɨɨn vehe súcún návāha cuu coto de nɨ́ɨ́ cáhnu. ’Te ni stóo de nuū sava tēe sájniñu nuū, te cuu sava de ndehē jiín. Te ni tee de ichi cuahān jicá de.

SAN MARCOS 12:12

Yūcuán na te ni canducú de modo jnɨɨ de ya. Chi ni cajecūhun ni de jeē sɨquɨ̄ maá de cúu jnūhun yátá ní cahān yā sɨquɨ̄ tée cásájniñu nuū uva jiín tée cájeni vehe. Te sɨquɨ̄ jeē cáyūhú de jeē quɨtɨ̄ ni ñayuu, te ni castóo de ya te cuangoo de.

SAN MARCOS 3:23

Te ni cana ya de jíjnáhan de, te ni cahān yā ɨɨn jnūhun yátá jíín de: ¿Ndese cuu quenehen Satanás maá?

SAN MARCOS 4:13

Te ni cahān gā yā jiín de jíjnáhan de: Núu tu cájecūhun ni rō jnūhun yátá yáha, ¿te ndese jecūhun ni rō tāca gá jnūhun yátá núu súcuan?

SAN MARCOS 4:33

Te cuehē jnūhun yátá súcuan ni cahān yā jiín ñáyuu, núu nasaa cánda i jecūhun ni i.

SAN LUCAS 12:41

Yūcuán na te Pedro ni cajnūhún de ya: ¿A jíín máá‑ni ná jíjnáhan ná cáhán ni jnúhun yátá yáha, chí suni cáhán ni jíín ndɨhɨ ga ñayuu? achí de.

SAN LUCAS 8:10

Te ni cahān yā: Róhó jíjnáhan ró, chi sáha Yaā Dios jeē cájecūhun ni rō jnūhun ni yɨsāhi yáha, ndese quɨ́vɨcoo ñayuu ndaha Yaā Dios jeē ndacu ya jniñu nuū i. Te máni jíín jnúhun yátá cáhán rī jiín sava ga i, návāha vēsú cájito i, te quéndōo i nájnūhun jeē tú na vé ni cájito i. Te vēsú cájini sōho i, te ma jécūhun ni i.

SAN JUAN 16:25

’Tāca jnúhun yáha ní cahān yatá rí jiín ró. Te quee quɨvɨ̄ jeē ma cahán yatá gá rī jiín ró, chi sa suhva castūhun cájí rí nuū rō sɨquɨ̄ Tatá rī.