SAN MATEO 11:3 - New Testament in Mixtec Atatláhuca

³ cuacajnūhún de ya: ¿A máá ní cúu Cristo jeē achí tutu jeē quíji, chí condetu yó ɨnga tēe quiji? áchí de.

SAN MATEO 11:3 ပူးပေါင်းရင်းမြစ်များ

SAN MATEO 11:10

Chi jnūhun Juan cúu jeē ni cáhān Yaā Dios jeē yosó núū tútu iī: Tají rí tēe nacani jnūhun ri cosnūú de ichi núú Cristo, návāha coo tūhva ñayuu jeē jinú yā. Achí Yaā Dios, achí tutu.

SAN MATEO 11:4

Te ni cahān yā jiín de: Cuángoo te castūhun ró nuū Juan tācá jniñu cájito ró jíín jnúhun cájini ró.

SAN MATEO 21:5

Cachi rō nuū ñáyuu ñuu Jerusalén jeē naní ñuu Sión: Yāhá condēhe ró jeē véji Rey rō. Tu sájéhnu ya maá yá, chi máá burra‑ni yósó yá, jíín burrito, sēhe quɨtɨ ndíso. Achí tutu.

SAN MATEO 21:9

Te ñayuu cuangoo ichi núú jíín ñáyuu cuangoo ichi yátá, cácana jee i: Yōhyo cújéhnu Yaā cúu Sēhe yucūn rey David. Yōhyo vāha Yaā cúu Yaā jeē véji jíín jniñu máá Jítoho yō Yaā Dios. Te yōhyo cújéhnu máá Yaā Dios. Achí i.

SAN MARCOS 11:9

Te ñayuu cuangoo ichi núú jíín ñáyuu cuangoo ichi yátá, cácana jee i: Yōhyo cújéhnu ya. Yōhyo vāha Yaā cúu Yaā jeē véji jíín jniñu máá Jítoho yō Yaā Dios.

SAN LUCAS 19:38

Te áchí i: Yōhyo vāha Yaā cúu Rey jeē véji jíín jniñu máá Jítoho yō Yaā Dios. Te sáha ya jeē cóo manī yō jiín Yaā Dios andɨvɨ́. Te yōhyo cújéhnu Yaā Dios, achí i jíjnáhan i.

SAN JUAN 11:27

Te ni cahān ña: Cándíje ná jéē maá ní cúu Cristo, Sēhe Yaā Dios, jeē achí tutu jeē quíji ini ñayɨ̄vɨ, áchí ña.

SAN JUAN 12:13

Te ni cajehnde i ndaha ñúú, te ni quendacoo i cuajnahan i ya. Te cácana jee i: Yōhyo cújéhnu Yaā Dios. Yōhyo vāha Yaā cúu Yaā jeē véji jíín jniñu máá Jítoho yō Yaā Dios. Yōhyo vāha Yaā cúu Rey nación yō Israel. Achí i.

SAN JUAN 16:14

Te stéén yā jeē cujéhnu ri, chi nacastūhun yá nuū rō tāca jnúhun jeē jé ni cahān rī, te sáha ya jeē jécūhun ni rō.

SAN JUAN 4:21

Te ni cahān Jesús jiín ña: Nánā, candíje ní jnúhun cáhán na, chi quee quɨvɨ̄ jeē ni nasūú yucu yáha ni nasūú ñuu Jerusalén cúu nuū chiñúhún ní maá Yaā cúu Tátá, chi ndɨhɨ‑ni lugar te cuu chiñúhún ní yá.

SAN JUAN 6:14

Te ñayuu un ní cajito i jniñu jéhnu ni sáha Jesús jeē ni stéén yā poder yā. Te ni cacahān i: Jendaá ndije jeē tée yáha cúu jeē cahán tutu jeē quíji ini ñayɨ̄vɨ jéē nácani jnūhun Yaā Dios. Achí i.

SAN JUAN 7:31

Te cuehē ñayuu chi ni cacandíje i ya, te ni cacahān i: ¿A násūu tée yáha cúu Cristo, Yaā ndétu yó jéē quiji? Chi cuehē ndasɨ́ jniñu jéhnu sáha ya jeē steén yā poder yā. Achí i.

HEBREOS 10:37

Chi cáhán tutu iī: Ɨɨn núnúu‑ni te ndee Yaā ndiji, te ma cucuéé yá.