SAN MARCOS 9:3 - New Testament in Mixtec Atatláhuca

³ Te sahma ya ni ndindēé, te ni nducuíjín quɨyɨ, nájnūhun yuhvā volcán. Te tú ni ɨɨn ñayuu ñayɨ̄vɨ yáha cuu nacate jeē ndúquɨyɨ ndasɨ́ súcuan.

SAN MARCOS 9:3 ပူးပေါင်းရင်းမြစ်များ

SAN MATEO 28:3

Te ndíndēe núū yā nájnūhun taja, te sahma ñúhun ya yaa quɨyɨ nájnūhun yuhvā volcán.

SAN MARCOS 9:4

Te ni cajito de jeē Elías jiín Moisés cándajnūhún de jíín yá.

SAN LUCAS 9:29

Te níní jícán tahú yā, te tucu ni nduu nuū yā, te sahma ya ni nducuíjín quɨyɨ, te ndíndēé.

HECHOS 10:30

Yūcuán na te ni cahān Cornelio: Vijna íyó cúūn quɨvɨ̄ nájnūhun máá hora yáha jéē cúu cahunī jehíni, te ndite ni ná chi súcuan chíñúhún ná nuū yā, te jícán tahú na ini vehe ná. Te ni quiji ɨɨn ndajéhé yā nuū ná, te ndíndēé sahma ñúhun ya.

APOCALIPSIS 19:18

Te caji rō cūñu tāca rey jiín capitán jiín tée téyɨ́, jíín cúñu tācá caballo jiín tée ni cayosō sɨquɨ̄ tɨ̄. Te suni caji rō cūñu tāca gá ñayuu, cúu ñayuu casájniñu cuenta maá jíín mozo jeē ní cajeen ñayuu, cúu ñayuu cácujéhnu jíín ñáyuu tu cácujéhnu. Achí ndajéhé yā.

APOCALIPSIS 7:14

Te ni cahān rī jiín de: Máá ní cúu jeē jiní, Tátā. Te ni cahān de jíín rí: Yāha cácuu ñayuu jeē ní cayāha i jeē ní cajito i jnūndóho xeēn. Te ni canacate i sahma i jíín nɨ́ñɨ̄ maá Londe, te ni nduyaa vāha, cúu jeē ní ndundoo ánuá i ni sáha ya.

APOCALIPSIS 7:9

Te ná ni cuu jniñu yáha te ni ndacoto ri, te ni jito ri cuehē ndasɨ́ ñáyuu. Te cúu i ñayuu tācá nación jiín táca raza jiín táca yuhu jíín táca ñuu. Te cáhīin i nuū mesa nuū ndácu Yaā Dios jniñu jíín núū maá Yaā cúu Londe. Te sɨquɨ̄ jeē cuehé ndasɨ́ i, te ni ɨɨn ma cúu cahu nasaa i cúu. Te cáñuhun i sahma cuijín, te cándāhá i ñuū.