SAN MARCOS 7:34 - New Testament in Mixtec Atatláhuca

³⁴ Te ni ndacoto ya ichi ándɨvɨ́, te ni jitū ni yā, te ni cahān yā: Efata, achí yá, jeē cuní cahān: Nanune.

SAN MARCOS 7:34 ပူးပေါင်းရင်းမြစ်များ

SAN MARCOS 1:41

Te Jesús ni cundáhú ni yā de, te ni soó yá ndaha ya sɨquɨ̄ de, te ni cahān yā: Cúní rī. Te na ndúvāha ró, áchí yá.

SAN MARCOS 15:34

Te nuū ní cuu cahunī, te ni cana jee Jesús: Eloi, Eloi, ¿lama sabactani? achí yá. Te jnūhun un cúní cahān: Yaā Dios maá ná, Yaā Dios maá ná, ¿naun ni stóo ní sáña?

SAN MARCOS 5:41

Te ni jnɨɨ ya ndaha i, te ni cahān yā jiín i: Talita cumi, achí yá. Te jnūhun un cúní cahān: Sɨ́hɨ̄, cáhán rī jiín ró, ndocuɨñɨ̄, achí yá.

SAN MARCOS 6:41

Te ni quihin ya ndɨhúhún staā jiín úū chācá un, te ni ndacoto ya ichi ándɨvɨ́, te ni nacuatáhú yá. Te ni tahú cuéchí yá staā ún, te ni jēhe ya nuū tée cáscuáha jíín yá, te máá de ni casaja de nuū ñáyuu cuehē ún. Te suni ni jēhe ya ndɨndúú chācá, ni casaja de nuū i.

SAN MARCOS 7:35

Te ni nanune‑ni sōho de, te ni nduvāha yáá de, te ni nacahān vāha de.

SAN MARCOS 8:12

Te ni jitū ni yā sɨquɨ̄ jeē tu cácandíje de jíjnáhan de, te ni cahān yā: ¿Naun cájicān ñayuu yáha ɨɨn jniñu jéhnu nuū rī? Jendaá cahán rī jeē ma stéén rī ni ɨɨn jniñu jéhnu nuū ñáyuu yāhá.

SAN LUCAS 18:42

Te ni cahān Jesús jiín de: Ndundijin tɨnūu ró núu súcuan. Ni candíje ró jeē cuu nasávāha ri rohó, te jeē yúcuan ní nduvāha ró, áchí yá.

SAN LUCAS 19:41

Te nuū ní cuyajni ya Jerusalén, te ni jito ya ñuu ún, te ni ndahyū yā sɨquɨ̄.

SAN LUCAS 7:14

Yūcuán na te ni jinū yā nde nuū ndɨ́yɨ ún, te ni jnɨɨ ya yejnū, te ni cajecuɨñɨ̄ tēe cándiso ún. Te ni cahān yā jiín súchi ní jihī: Cáhán rī jiín ró, ndocuɨñɨ̄, achí yá.

SAN JUAN 11:33

Te ni jito Jesús jeē ndahyú ña jíín jéē cándahyū ñayuu vējicoo jíín ña. Te yōhyo ni nducuíhyá ni yā, te ni jnahuhū ni yā jeē cundáhú ni yā i.

SAN JUAN 11:35

Te ni ndahyū Jesús.

SAN JUAN 11:38

Te yōhyo ni jnahuhū ni tucu Jesús, te ni quee yā nde nuū yɨ́ndūji ndɨ̄yɨ. Te ɨɨn yaū cava cúu, te yuyáú un ndíhyú ɨɨn yuū.

SAN JUAN 11:41

Yūcuán na te ni catejiyo i yuū jeē ndésɨ yuyáú ndɨ̄yɨ ún. Te ni ndacoto‑ni Jesús ichi ándɨvɨ́, te ni cahān yā: Tátā, na cútahū na núū ni jéē sáha ní jéē jicán na.

SAN JUAN 11:43

Te ná ni cahān yā súcuan, te ni cahān jee ya: Lázaro, quenda quiji ró, áchí yá.

SAN JUAN 17:1

Te ná ni cahān Jesús tāca jnúhun yáha, te ni ndacoto ya ichi ándɨvɨ́, te ni cahān yā: Tátā, je ni quee quɨvɨ̄ jeē ndóho ná. Vijna te stéén ni jéē cujéhnu máá ná jeē cúu ná Séhe ní, návāha suni máá ná steén na jéē cujéhnu máá ní.

HECHOS 9:34

Te ni cahān Pedro jiín de: Eneas, Jesucristo cúu Yaā nasávāha ya rohó. Ndocuɨñɨ̄ te natuu rō yuu ró, áchí de. Te ni ndocuɨñɨ̄‑ni tēe ún.

HECHOS 9:40

Yūcuán na te ni ndacu Pedro jniñu jeē na quéndacoo ndɨhɨ ñayuu ún quingoo i nde yatā véhe. Te ni jecuɨñɨ̄ yɨtɨ́ de ni jicān tahú de, te ni nandió cóto de nuū catú ndɨ́yɨ ún, te ni cahān de: Tabita, ndocuɨñɨ̄ ní, áchí de. Te máá ña ni ndacoto‑ni ña te ni jito ña nuū Pedro, te ni nucōo‑ni ña.

HEBREOS 4:15

Chi névāha yó ɨɨn sutū cujéhnu jeē jíto ndáhú yóhó jeē tu fuerza yō squícu vāha yó. Chi nájnūhun ndóho yó jéē jíto ndee jexeén yohó, suni súcuan ni ndoho ya jeē ní jito ndee un yá, vēsú tú cuɨtɨ cuēchi ya.