SAN MARCOS 3:6 - New Testament in Mixtec Atatláhuca

⁶ Yūcuán na te ni quendacoo tēe grupo fariseo, te ni casquíjnáhan de jnūhun jíín tée grupo Herodes sɨquɨ̄ yā, ndese cahni de ya.

SAN MARCOS 3:6 ပူးပေါင်းရင်းမြစ်များ

SAN MATEO 12:14

Yūcuán na te ni quendacoo tēe grupo fariseo, te ni candajnūhún de sɨquɨ̄ Jesús, ndese cahni de ya.

SAN MATEO 22:16

Te ni catají de jecu tēe cáscuáha jíín máá de jíín tée grupo Herodes cuangoo de. Te ni cacahān de jíín yá: Maestro, cájini na jéē tée cáhán ndaā cúu ní, te stéén ndaā ní ndese squícu ñayuu nuū Yaā Dios. Te tu yúhú ní jeē cahán ni ɨɨn ñayuu sɨquɨ̄ ní, chi tu sáha ní cuenta ndese cúu ɨɨn ɨɨn i, chi ɨnuú‑ni sáha ní jíín i.

SAN MARCOS 12:13

Yūcuán na te ni catají de sava tēe grupo fariseo jiín tée grupo Herodes cuangoo de nuū yā, ndúcú de ndese sáha de návāha cahān yā ɨɨn jnūhun jeē nihín de cuēchi sɨquɨ̄ yā.

SAN MARCOS 8:15

Te ni ndacu ya jniñu nuū de: Coto má candíje ró levadura tēe grupo fariseo jiín levadura Herodes, achí yá.

SAN LUCAS 22:2

Te sutū cácujéhnu jíín tée cástéén tutu ley, ni canducú yuhu de modo cahni de Jesús, chi cáyūhú de jeē quɨtɨ̄ ni ñayuu.

SAN LUCAS 6:11

Te yōhyo ni caquɨtɨ̄ ni tāca tée un, te ni quejéé de cándajnūhún de sɨquɨ̄ Jesús, ndese cahni de ya.

SAN JUAN 11:53

Yūcuán na te nde quɨvɨ̄ ún te tāca tée hebreo cácujéhnu un, ní casquíjnáhan de jnūhun jeē cáhni de Jesús.

HECHOS 4:25

Te jeē jiín Espíritu Santo te ni sáha ní jéē ni cáhān mozo ní David nde jenahán: ¿Najehē cáquɨtɨ̄ ndevāha ni ñayuu sɨ́ɨn nación? ¿Te najehē cájeni sáá ni i jeē ndónda i sɨquɨ̄ ní?