SAN LUCAS 9:45 - New Testament in Mixtec Atatláhuca

⁴⁵ Te tu ní cájecūhun ni de jnūhun cáhán yā, chi tu ní cúu cuɨtɨ jecūhun ni de. Te ni cayūhú de cajnūhún de ya sɨquɨ̄ jnúhun ni cahān yā.

SAN LUCAS 9:45 ပူးပေါင်းရင်းမြစ်များ

SAN MATEO 16:22

Yūcuán na te Pedro, ni cana máñúhún de ya, te ni quejéé de cáhán de nuū yā: ¿Naun cáhán ni súcuan? Chi tu cúní Yaā Dios jeē cuu súcuan. Tu jíni ñúhún cuɨtɨ ndoho ní jnúndóho yáha, áchí de.

SAN MATEO 17:22

Te jíca cuu Jesús jiín de jíjnáhan de región Galilea, te ni cahān yā jiín de: Máá rí, Yaā ní nduu tēe, nastúu i ruhū nuū tāca tée xeēn.

SAN MARCOS 9:10

Jeē yúcuan ní cachuvāha de tāca jéē ní cuu ún, te cácajnūhun jnáhan de na jnūhun cúu jeē nátecu yā.

SAN MARCOS 9:32

Te tu ní cájecūhun ni de jnūhun yáha, te cáyūhú de cajnūhún de ya sɨquɨ̄ jnúhun ni cahān yā.

SAN LUCAS 18:34

Te máá de tu ní cájecūhun cuɨtɨ ni de tāca jnúhun yáha. Chi jnūhun yɨɨ́ cúu, te tu ní cúu jecūhun ni de jeē cahán yā.

SAN LUCAS 2:50

Te tu ní cájecūhun ni tátá i náná i jnūhun ni cahān i.

SAN LUCAS 9:46

Yūcuán na te tēe cáscuáha jíín yá ni caquejéé de cácahān de sɨquɨ̄ núu ndé ɨɨn de cújéhnu ga.

SAN JUAN 12:16

Te quɨvɨ̄ ún te tēe cáscuáha jíín yá, tu ní cájecūhun ni de jeē súcuan squícu tāca jéē yosó núū tútu iī. Te nde ná ni ndujéhnu Jesús jeē cuánuhun yā andɨvɨ́, te sáá te ni canucūhun ni de tāca jnúhun yósó sɨ́quɨ̄ yā, jiín jéē ní casáha de súcuan jíín yá.

SAN JUAN 12:34

Te ni cacahān ñayuu jiín yá: Ni cajini sōho ná jéē cahán tutu ley Yaā Dios cánevāha yó, jeē Cristo cotecu yā nɨɨ́ cáni. ¿Te naun cáhán ni jéē Yaā ní nduu tēe, cánuú condita caa ya cuu yā? ¿Ndé ɨɨn cúu máá Yáā ní nduu tēe núu súcuan? Achí i.

SAN JUAN 14:5

Te ni cahān Tomás jiín yá: Tu cájini na ndé nuū quihín ni, ¿te ndese cuni ná ichi jínú yūcuan núu súcuan?

SAN JUAN 4:33

Yūcuán na te tēe cáscuáha jíín yá, ni cacajnūhun jnáhan de: ¿A ní quindeca ɨɨn ñayuu jeē ní yeji yā, chí naún? áchí de.