SAN LUCAS 9:44 - New Testament in Mixtec Atatláhuca

⁴⁴ Chuhun vāha ni rō jnūhun cáhán rī yāhá, te ma náā ni rō, chi ruhū, Yaā ní nduu tēe, nastúu i ruhū quɨ̄vɨ ri ndaha tāca tée xeēn, achí yá.

SAN LUCAS 9:44 ပူးပေါင်းရင်းမြစ်များ

SAN MATEO 16:21

Te nde saá ní quejéé Jesús cástūhun cájí yá nuū tée cáscuáha jíín yá jeē jíni ñúhún quihīn yā ñuu Jerusalén. Te tāca tée jéhnu jíín sútū cácujéhnu jíín tée cástéén tutu ley, stóho ndasɨ́ de ya. Te cahni de ya, te nuū uní quɨvɨ̄ te natecu yā, achí yá.

SAN MATEO 26:2

Je cájini rō jeē uū na quɨvɨ̄ te coo vico pascua. Te ruhū, Yaā ní nduu tēe, nastúu i ruhū jeē cúū rī jicā cruz, achí yá.

SAN MARCOS 8:31

Te ni quejéé yá steén yā nuū de: Máá rí, Yaā ní nduu tēe, cánuú ndoho xeēn rī. Te tāca tée jéhnu jíín sútū cácujéhnu jíín tée cástéén tutu ley, squéhichī de ruhū, te cahni de ruhū. Te nuū uní quɨvɨ̄ te natecu rī, achí yá.

SAN MARCOS 9:31

Chi stéén yā nuū tée cáscuáha jíín yá, te áchí yá: Máá rí, Yaā ní nduu tēe, nastúu i ruhū nuū tāca tée xeēn. Te cahni de ruhū, te núu ni jihī rī, te nuū uní quɨvɨ̄ te natecu rī, achí yá.

SAN LUCAS 1:66

Te tāca ñáyuu jeē ní cajini jnūhun, ni quejéé i cánacani ni i, te cácajnūhun jnáhan i: ¿Ndese coo na cuéhnu sūchi yáha? áchí i. Chi máá Jítoho yō yōhyo ni sáha ya jeē váha jíín i.

SAN LUCAS 18:31

Te ni cana sɨ́ɨn ya ndɨhúxí uū tēe cáscuáha jíín yá, te ni cahān yā jiín de: Vijna je cuángoo yó ñuu Jerusalén. Te yūcuan squícu ndɨhɨ jnūhun ndese ndoho ruhū, Yaā ní nduu tēe, nájnūhun ni catee tēe ni canacani jnūhun Yaā Dios nde jenahán.

SAN LUCAS 2:19

Te María, ni quendōo tāca jnúhun yáha nuū jeē níjnūní ña, te nácani ni ña sɨquɨ̄.

SAN LUCAS 2:51

Yūcuán na te cuanuhun i jíín de jíjnáhan de ñuu Nazaret, te ni jendije i nuū de. Te náná i, ni quendōo tāca jnúhun yáha núū jeē níjnūní ña.

SAN LUCAS 24:44

Te ni cahān yā jiín de: Tāca jéē ní cuu jíín rí cúu jeē ni cáhān rī ná ni ine ri jiín ró jíjnáhan ró ndé saá, jeē cánuú squícu tāca jnúhun ri jeē yosó núū tútu ley Moisés, jiín núū tācá tutu tēe ni canacani jnūhun Yaā Dios, jiín núū tútu salmo, achí yá.

SAN LUCAS 9:22

Te ni cahān yā: Máá rí, Yaā ní nduu tēe, cánuú ndoho xeēn rī. Te tāca tée jéhnu jíín sútū cácujéhnu jíín tée cástéén tutu ley, squéhichī de ruhū. Te cahni de ruhū, te nuū uní quɨvɨ̄ te natecu rī, achí yá.

SAN JUAN 16:31

Te ni cahān Jesús jiín de: ¿A ndé vijna te cácandíje ró naún?

SAN JUAN 16:4

Te ni cahān rī jnūhun yáha jíín ró návāha núu je ni quee quɨvɨ̄ jeē súcuan coo, te nucūhun ni rō jeē jé ni cahān rī jiín ró. ’Te tu ní cáhán rī jnūhun yáha jíín ró nde xīhna ñúhún, chi íne máá rí jiín ró jijnáhan ró.

SAN JUAN 19:11

Te ni cahān Jesús: Núu tu ní sáha Yaā Dios jeē ndíso jníñu ró, te tú na vé cúu sáha ró sɨ́quɨ̄ rī. Jeē yúcuan tēe jeē ní nacuāha ruhū ndaha ró, cuēchi xeēn gā condee sɨquɨ̄ de vēsú maá ró. Achí yá.

HECHOS 2:23

Te máá ní ni cajnɨɨ ní yá, te ni cajendēca ní yá nuū tée xeēn ni cajehni de ya jicā cruz ni casáha ní. Te nde jiín tiempo je ni jini Yaā Dios jeē súcuan sáha ní jíjnáhan ní, chi súcuan je ni sándaā yā.

HEBREOS 2:1

Núu súcuan te cánuú jéē váha ga chuhun ni yō tāca jnúhun ya jeē ní cajini yó, chi núu tuú te sanaa te scuíta yó.