SAN LUCAS 8:51 - New Testament in Mixtec Atatláhuca

⁵¹ Te ni jinū yā vehe, te tu ní jéhe ya jnūhun quɨ̄vɨ ñayuu jiín yá, chi máá‑ni Pedro jiín Juan jiín Jacobo jiín tátá naná sūchi sɨ́hɨ́ un.

SAN LUCAS 8:51 ပူးပေါင်းရင်းမြစ်များ

SAN MARCOS 14:33

Te ni jeca ya Pedro jiín Jacobo jiín Juan, cuahān yā jiín de. Te ni quejéé yá cucuíhyá ndasɨ́ ni yā te cúxií ni yā jeē quíji jnūndóho sɨquɨ̄ yā.

SAN LUCAS 6:14

Te yāha cúu sɨ́hvɨ́ de jíjnáhan de: Simón jeē ní nasnání yá de Pedro, jiín ñani de Andrés, te suni Jacobo jiín Juan, Felipe jiín Bartolomé,

SAN LUCAS 8:50

Te ni jini Jesús jnūhun yáha, te ni cahān yā jiín Jairo: Ma yūhu ró, chi candíje‑ni ró, te nastécu rī sēhe ró, áchí yá.

SAN LUCAS 8:52

Te cácucuíhyá ni ndɨhɨ ñayuu cáyūcú ini vehe, te cándahyū i jehē sūchí un. Te ni cahān yā: Ma ndahyú rō jijnáhan ró. Tu ní jíhí i, chi quíxí‑ni i, áchí yá.

SAN LUCAS 9:28

Yūcuán na te nájnūhun nuū uná quɨvɨ̄ jeē ni cáhān yā jnūhun yáha, te ni caa ya ɨɨn yucu, cuacacān tahú yā. Te Pedro jiín Jacobo jiín Juan cuangoo de jíín yá.

HECHOS 9:40

Yūcuán na te ni ndacu Pedro jniñu jeē na quéndacoo ndɨhɨ ñayuu ún quingoo i nde yatā véhe. Te ni jecuɨñɨ̄ yɨtɨ́ de ni jicān tahú de, te ni nandió cóto de nuū catú ndɨ́yɨ ún, te ni cahān de: Tabita, ndocuɨñɨ̄ ní, áchí de. Te máá ña ni ndacoto‑ni ña te ni jito ña nuū Pedro, te ni nucōo‑ni ña.