SAN LUCAS 8:50 - New Testament in Mixtec Atatláhuca

⁵⁰ Te ni jini Jesús jnūhun yáha, te ni cahān yā jiín Jairo: Ma yūhu ró, chi candíje‑ni ró, te nastécu rī sēhe ró, áchí yá.

SAN LUCAS 8:50 ပူးပေါင်းရင်းမြစ်များ

SAN MARCOS 5:36

Te Jesús tu ní sáha ya cuenta jeē súcuan cácahān i, te ni cahān yā jiín tée cújéhnu ini vehe iī sinagoga: Ma yūhu ró, chi candíje ró jéē nastécu rī i, áchí yá.

SAN MARCOS 9:23

Te ni cahān Jesús jiín de: Núu cuu candíje ró jéē sáha ri, chi ñayuu candíje te cuu tāca jéē cuní i, áchí yá.

SAN LUCAS 8:48

Te ni cahān yā jiín ña: Séhē, ni candíje ró jéē cuu nasávāha ri rohó, te jeē yúcuan ní nduvāha ró. Cuáhán te na ndúsɨɨ̄ ni rō, achí yá.

SAN LUCAS 8:51

Te ni jinū yā vehe, te tu ní jéhe ya jnūhun quɨ̄vɨ ñayuu jiín yá, chi máá‑ni Pedro jiín Juan jiín Jacobo jiín tátá naná sūchi sɨ́hɨ́ un.

SAN JUAN 11:25

Te ni cahān Jesús: Máá rí cúu Yaā sáha jeē nátecu jiín jéē cótecu nɨɨ́ cáni. Ñayuu candíje jeē jnáma ri i, vēsú na cúū i, te natecu i.

SAN JUAN 11:40

Te ni cahān Jesús jiín ña: ¿A násūú je ni cahān rī jiín ró jeē núu candíje ró te coto ró jéē yóhyo cújéhnu Yaā Dios jiín poder yā? achí yá.

ROMANOS 4:17

Súcuan ni sáha Yaā Dios chi ni candíje de jeē sáha ya. Chi súcuan cáhán tutu iī: Ni jeni ri rohó cuu ró jíí nuū cuehē ndasɨ́ ñáyuu. Súcuan ni cahān maá Yaā jeē nastécu ndɨ̄yɨ te cáhán yā ndese coo tāca jéē ná tu coo.

ROMANOS 4:20

Te tu ní nácani sɨquɨ́ ni de jeē ma cándíje ga de jnūhun ní jejnūhun Yaā Dios jeē coo sēhe de. Chi sa suhva ni candíje nīhin ga de, te ni nacuatáhú de nuū Yaā Dios.