SAN LUCAS 8:29 - New Testament in Mixtec Atatláhuca

²⁹ Súcuan ni cahān de, chi je ni ndacu ya jniñu nuū tachí un jéē na quéndacoo ini de. Te ni cuu cuehē jínu sáha xeēn tachī jiín de. Te cájihni ñayuu ndaha de jehē de jíín cadena, návāha tú na vé sáha de. Te ndɨhɨ‑ni jéhnde de, te jínu de jéhén de nde nuū ñúhun téhé sáha tachī ún.

SAN LUCAS 8:29 ပူးပေါင်းရင်းမြစ်များ

SAN MARCOS 5:8

Súcuan ni cahān de, chi je ni cahān Jesús: Táchī, quenda ini tēe yáha quíhīn rō.

SAN LUCAS 8:28

Te ná ni jito de nuū Jesús, te ni jecuɨñɨ̄ yɨtɨ́ de nuū yā, te ni cana cóhó de: ¿Naun vēji ní núū ná, Jesús Sēhe Yaā cujéhnu téyɨ́? Cáhán ndahú ná jiín ní jeē ma stóho ní sáña, áchí de.

SAN LUCAS 8:30

Te Jesús ni cajnūhun yá de: ¿Na vé naní ró? Te ni cahān de: Legión naní ná. Súcuan ni cahān de jeē naní de, chi ñúhun cuehē tachī ini de.

SAN LUCAS 9:39

Te máni jeē sáha xeēn tachī jiín i, te cána cóhó i sáha, te jéhni yɨ̄hɨ́ i, te jée tiñū yuhu i. Te yōhyo stóho i, te yōhyo uhū siaá i.

SAN LUCAS 9:42

Te níní véji i nuū yā, te ni cotúú i ni sáha tachī, te ni jehni yɨ̄hɨ́ i. Te Jesús ni cahān xeēn yā nuū tachí un, te ni nasávāha ya sūchí un, te ni nacuāha ya i nuū tatá i.