SAN LUCAS 8:20 - New Testament in Mixtec Atatláhuca

²⁰ Te ɨɨn ñayuu ni castūhun núū yā: Náná ni jíín táca ñani ni cáhīin nuū quéhe, te cácuni cahān jiín ní, áchí i.

SAN LUCAS 8:20 ပူးပေါင်းရင်းမြစ်များ

SAN MARCOS 6:3

Chi tēe yáha cúu carpintero, te sēhe María cúu de, te ñani Jacobo jiín José jiín Judas jiín Simón cúu de. Te suni cáyūcu cuáha de jíín yó yāhá. Achí i. Te súcuan ni cacujéē ni i nuū Jesús.

SAN LUCAS 8:19

Yūcuán na te ni quee naná yā jiín táca ñani yā nuū íne ya. Te tu ní cúu quɨ̄vɨcoo ña nuū yā sɨquɨ̄ jeē chitú ñayuu.

SAN LUCAS 8:21

Te ni cahān maá yá: Suni náná rī jiín ñani rī cácuu ñayuu cájini sōho jnūhun Yaā Dios te cásquícu i, áchí yá jiín i.

HECHOS 1:14

Tāca tée yáha, níní cándutútú ɨnuú de cájicān tahú de jíín táca ñani Jesús jiín náná yā María jiín sava ga ñahan.

1 CORINTIOS 9:5

Te suni íyó derecho rī núu jeē cuní rī condeca ri ɨɨn hermana candíje cuu ñasɨhɨ́ rí, caca ña jíín rí, nájnūhun íyó ñasɨhɨ́ Pedro jiín táca gá apóstol jiín tée cácuu ñani maá Jítoho yō.

GÁLATAS 1:19

Te tu ní jíto ri nuū tāca gá apóstol, chi máá ɨɨn‑ni nuū Jacobo ñani maá Jítoho yō.