SAN LUCAS 7:21 - New Testament in Mixtec Atatláhuca

²¹ Te máá hora un ní nasávāha ya cuehē ñayuu cácuhū, jiín ñáyuu cándoho cuehyɨ̄ xeēn, jiín ñáyuu ñúhun tachī ini. Te suni cuehē ñayuu cuaá ní ndundijin tɨnūú i ni sáha ya.

SAN LUCAS 7:21 ပူးပေါင်းရင်းမြစ်များ

SAN MATEO 4:23

Te ni jica cuu Jesús nɨɨ́ región Galilea, ni steén yā jnūhun ini tācá vehe iī jeē cúu sinagoga. Te ni nacani ya jnūhun vāha ndese ndácu Yaā Dios jniñu. Te ni nasávāha ya ñayuu cácuhū tācá‑ni cuehyɨ̄.

SAN MATEO 4:24

Te ni jitē núu jnūhun ya cuahān nɨɨ́ región Siria. Te nuū yā ni caquindeca i tāca ñáyuu cácuhū, ñayuu cándoho tɨjnɨ nuū cuehyɨ́, jiín jéē jetú, jíín jéē ñúhun tachī ini, jiín jéē jihí yɨ̄hɨ́, jíín jéē ni íjin. Te ni nasávāha ya i jíjnáhan i.

SAN MARCOS 3:10

Chi cuehē ñayuu je ni nasávāha ya, te jeē yúcuan vējicoo cuehē gā ñayuu cándoho tāca núū cuehyɨ̄, te chítú níhin i xiin ya jeē quehé i ya cácuni i.

SAN MARCOS 5:29

Te ni jecuɨñɨ̄‑ni nɨñɨ̄ ña, te ni jini ña jeē ní nduvāha ña cuehyɨ̄ ún.

SAN MARCOS 5:34

Te ni cahān yā jiín ña: Séhē, ni candíje ró jéē cuu nasávāha ri rohó, te jeē yúcuan ní nduvāha ró. Cuáhán te na ndúsɨɨ̄ ni rō, chi je ni nduvāha ró cuéhyɨ̄ ní ndoho ró, áchí yá.

SAN LUCAS 7:20

Te ni jinūcoo tēe un núū yā, te ni cacahān de: Juan tēe scuándute ni tají de sāña véjicoo ná cajnūhun ná nihín núu máá ní cúu Cristo jeē achí tutu jeē quíji, chí condetu yó ɨnga tēe quiji. Achí de.

HEBREOS 12:6

Chi Jitoho yō snáhnú yā ñayuu jeē maní yā jiín, te jéhe ya castigo tāca jéē náquihin ya cuu sēhe ya. Achí tutu.