SAN LUCAS 6:9 - New Testament in Mixtec Atatláhuca

⁹ Yūcuán na te ni cahān yā jiín de jíjnáhan de: Na cájnūhun rí rohó ɨɨn jnūhun: ¿Ndese cáhán ley sɨquɨ̄ quɨvɨ̄ ndétātú? ¿A jéē sáha vāha yó, chí sáha néé yó? ¿A jéē nasávāha yó ñáyuu je yajni cuu, chí sáha yó jéē cúū i? Achí yá.

SAN LUCAS 6:9 ပူးပေါင်းရင်းမြစ်များ

SAN MARCOS 3:4

Te ni cajnūhun yá de jíjnáhan de: ¿Ndese cáhán ley sɨquɨ̄ quɨvɨ̄ ndétātú? ¿A jéē sáha vāha yó, chí sáha néé yó? ¿A jéē nasávāha yó ñáyuu je yajni cuu, chí sáha yó jéē cúū i? áchí yá. Te máá de tú na vé ni cacahān de.

SAN LUCAS 14:3

Te ni cajnūhun yá tēe cástéén tutu ley Yaā Dios jiín táca tée fariseo: ¿A íyó ley jeē nasávāha ri ñayuu cácuhū quɨvɨ̄ ndétātu, chí tuú? áchí yá.

SAN LUCAS 6:10

Te ndéhé yá nuū de jeē cáyūcú de nɨ́ɨ́ xiin ya. Te ni cahān yā jiín tée cúhú un: Scáá ndaha ró. Te ni scaá de, te ni nduvāha‑ni ndaha de.

SAN LUCAS 6:8

Te máá yá je jíní yā ndese cájeni ni de. Te ni cahān yā jiín tée ni ichī ndaha ún: Ndocuɨñɨ̄, te condichi rō mēhñu yáha, áchí yá. Te ni ndocuɨñɨ̄ de, te ni jecondichi de mēhñú.

SAN LUCAS 9:56

Chi ruhū, Yaā ní nduu tēe, tú vēji ri jeē snáā rī ñayuu, chi sa suhva jeē jnáma ri ñayuu, achí yá. Yūcuán na te cuahān yā jiín de ɨnga ñuu.