SAN LUCAS 6:42 - New Testament in Mixtec Atatláhuca

⁴² ¿Te naun cácahān rō jiín jnáhan ró: Condetu, na táva rī yāca íne tɨnūu ró, te tu cánacani ni rō jeē íne ɨɨn nduhu tɨnūu máá ró? Tēe stáhú‑ni cácuu ró núu súcuan. Xīhna gā tɨnūu máá ró tava rō nduhu, te yūcuán na te cuu condēhe váha ró jéē táva rō yāca tɨ́nūu jnáhan ró.

SAN LUCAS 6:42 ပူးပေါင်းရင်းမြစ်များ

SAN MATEO 26:75

Te ni nucūhun ni de jnūhun ni cahān Jesús jiín de: Nde ná tu cana líhli, te yūhu ró te cahān rō unī jínu jeē tu jíní rō ruhū. Te ni quenda de cuahān de, te yōhyo ni ndahyū de jeē ní cachi de jeē tu jíní de ya.

SAN MATEO 7:3

Chi cuēchi jnáhan ró cúu nájnūhun jeē íne ɨɨn yāca lúlí tɨnūú i. ¿Te naun cásáha ró cuenta jeē súcuan, te tu cásáha ró cuenta cuēchi máá ró jeē cúu nájnūhun jeē íne ɨɨn nduhu tɨnūu máá ró?

SAN MATEO 7:4

¿Te naun cácahān rō jiín jnáhan ró: Na táva rī yāca íne tɨnūu ró, te tu cánacani ni rō jeē íne ɨɨn nduhu tɨnūu máá ró?

SAN LUCAS 13:15

Yūcuán na te ni cahān maá Jítoho yō jiín de: Tēe stáhú‑ni cácuu ró. Quɨvɨ̄ ndétātu ¿á tu cándají ró stɨquɨ̄ rō burro ró jéē quíscóho ró tɨ́ ndute?

SAN LUCAS 22:32

Te ni jicān tahú rī jehē rō návāha ma náyūhu ró jeē ma cándíje ga rō. Te jeē nácandíje tucu ró, te sáha ró jéē íje tāca jnáhan ró jíín jnúhun ri. Achí yá.

SAN LUCAS 6:41

’Te cuēchi jnáhan ró cúu nájnūhun jeē íne ɨɨn yāca lúlí tɨnūú i. ¿Te naun cásáha ró cuenta jeē súcuan, te tu cásáha ró cuenta cuēchi máá ró jeē cúu nájnūhun jeē íne ɨɨn nduhu tɨnūu máá ró?

SAN LUCAS 6:43

’Tu íyó yujnu váha jeē jéhe ndehē neé, te ni tu íyó yujnu néé jéē jéhe ndehē váha.

HECHOS 13:10

Te ni cahān de: Tēe sáha jniñu néé stáhú ñáhán cúu ró, chi sēhe jexeén cúu ró te jésɨ rō nuū tācá jniñu ndaā. Te tu jécuɨñɨ̄ rō jeē sáca núu ró sɨ́quɨ̄ jnúhun ndaā maá Jítoho yō návāha ma candíje ñayuu nuū yā.

HECHOS 2:38

Te ni cahān Pedro jiín i: Nacani ni ni jéē stóo ni cuéchi ní jíjnáhan ní, te cuandute ní jéē ní cacandíje ní Jesucristo, návāha cone cáhnu ni Yaā Dios nuū cuéchi ní, te cuāha Yaā Dios Espíritu Santo yā condee yā ini anuá ni.

HECHOS 8:21

Ma nihín tahú rō jeē sáha ró jniñu yáha, chi tu íyó ndáā anuá rō nuū Yaā Dios.

ROMANOS 2:1

Núu súcuan te róhó jéē cahán cuēchi sɨquɨ̄ jnáhan, núu na‑ni ñayuu cúu ró, ma cúu cahān rō jeē tú na cuēchi máá ró. Chi jeē cahán rō cuēchi sɨquɨ̄ jnáhan ró cúu jeē ndénehen ró cuéchi sɨquɨ̄ maá ró. Chi róhó jéē cahán cuēchi, suni súcuan sáha máá ró cuēchi.

2 CORINTIOS 5:18

Te Yaā Dios cúu jeē sáha ndɨhɨ jeē yáha, chi jíín Cristo ni sáha ya jeē ní ndɨ̄vɨcoo yó núū jnúhun manī yā jiín yó. Te ni tejníñu ya ruhū jeē cánacani ri jnūhun jeē ndɨ̄vɨcoo ñayuu nuū jnúhun manī yā jiín i.

2 TIMOTEO 2:21

Te núu ɨɨn ñayuu sándoo i máá i jeē quénda i nuū tācá jniñu néé, te cuu i nájnūhun ɨɨn cohō fino. Te coo ndoo coo iī i nuū Jítoho yō, te nihīn jníñu i ndese cúní maá yá. Te coo tūhva i jeē sáha i tācá jniñu váha.

2 PEDRO 1:9

Te ñayuu jeē tu cásáha jniñu yáha, nájnūhun jeē cáhīyo cuáá i, chi tu jécūhun ni i jnūhun ya, te je ni naa ni i jeē ni sándoo ya i tāca cuéchi ni casáha i ichi yátá.