SAN LUCAS 5:5 - New Testament in Mixtec Atatláhuca

⁵ Te ni cahān Simón: Maestro, nɨ́ɨ́ niñu ni casɨ́nga ná ñunu jeē jnɨɨ ná tɨ́, te tu ní níhín cuɨtɨ ná ni ɨɨn tɨ. Te jeē cahán maá ní súcuan, te na sɨ́nga tucu ná ñunu, áchí de.

SAN LUCAS 5:5 ပူးပေါင်းရင်းမြစ်များ

SAN LUCAS 17:13

Te ni cacana jee de: Jesús, Maestro, cundáhú ni ni sáña, áchí de jíjnáhan de.

SAN LUCAS 8:24

Te ni castónda de ya, te ni cacahān de: Maestro, Maestro, vijna te quēe yó chíji ndute te naa yō, achí de. Te ni ndocuɨñɨ̄‑ni ya, te ni cahān yā nuū tachī níhin jíín núū mar. Te ni cajecuɨñɨ̄‑ni, te ni cuu nayúú íī‑ni.

SAN LUCAS 8:45

Yūcuán na te ni cahān Jesús: ¿Ndé ɨɨn ni quehé sahma ri? achí yá. Te ndɨvii i ni cacahān jeē tu ní quéhé i. Te Pedro jiín tée cáhīin jíín de, ni cacahān de: Maestro, jíto ní jéē ñáyuu cuehē yāha ní chitú níhin i xiin ní, te cáquɨ̄hɨ i níhín, te cájnūhun ní ndé ɨɨn ni quehé sahma ní.

SAN LUCAS 9:33

Te nuū ní cacujiyo tēe un núū yā, te ni cahān Pedro jiín yá: Maestro, nacā jeē váha jeē cáhīin ná yáha. Te na sáha ná únī vehe ramada, ɨɨn cuu máá ní, ɨnga cuu Moisés, te ɨnga cuu Elías, achí de. Te tu sáha de cuenta na vé cúu jeē cahán de.

SAN LUCAS 9:49

Yūcuán na te ni cahān Juan: Maestro, ni cajito ná ɨɨn tēe jeē jiín sɨ́hvɨ́ ní quénehen de tachī ini ñayuu. Te ni cajesɨ na jéē sáha de, chi tu jíca de jíín yó, achí de.

SAN JUAN 15:14

Te máá ró cácuu amigo rī núu squícu ró jniñu ndácu ri nuū rō.

SAN JUAN 2:5

Te náná yā chi ni cahān ña jíín ñáyuu cájeni cohō: Sáha ró jíjnáhan ró táca jéē cahān yā jiín ró. Achí ña.

SAN JUAN 21:3

Te ni cahān Simón Pedro jiín de jíjnáhan de: Quíjnɨɨ ri chācá. Te ni cacahān de: Suni quingoo ri jiín ró. Te cuangoo de, te ni quɨ̄vɨcoo de ɨɨn barco. Te tu ní cánihīn cuɨtɨ de tɨ jecuáā yúcuan.