SAN LUCAS 5:4 - New Testament in Mixtec Atatláhuca

⁴ Te nuū ni jínu ni steén yā, te ni cahān yā jiín Simón: Scáca ró barco na quíhín yō nde nuū iyó cúnú ndute, te sɨ́nga ró ñunu ró jnɨɨ ró cháca, áchí yá.

SAN LUCAS 5:4 ပူးပေါင်းရင်းမြစ်များ

SAN MATEO 17:27

Te na chúnaa yō, návāha tu squɨ́tɨ́ ni yō de. Núu súcuan te cuáhán ndé yumar, te scáne ró gancho jeē jnɨ́ɨ chācá, te tava rō chācá jéē jnɨ́ɨ xīhna gā. Te ndɨca rō yuhu tɨ, te yūcuan níhīn rō ɨɨn xūhun jéē cánda chunaa rō jeē cájicān de. Te quindēca ró núū de jeē cúu ruhū jiín róhó. Achí yá.

SAN LUCAS 5:5

Te ni cahān Simón: Maestro, nɨ́ɨ́ niñu ni casɨ́nga ná ñunu jeē jnɨɨ ná tɨ́, te tu ní níhín cuɨtɨ ná ni ɨɨn tɨ. Te jeē cahán maá ní súcuan, te na sɨ́nga tucu ná ñunu, áchí de.

SAN JUAN 21:6

Yūcuán na te ni cahān yā jiín de: Sɨ́ngava ñunu ró ichi lado váha barco, te nihīn rō tɨ̄. Te ni casɨ́ngava de ñunu, te tuá ní cúu cuɨtɨ natava de, jeē ni quɨ́vɨcoo cuehē ndasɨ́ cháca.