SAN LUCAS 5:33 - New Testament in Mixtec Atatláhuca

³³ Yūcuán na te ni cacahān de jíín yá: Tēe cáscuáha jíín Juan, jiín tée cáscuáha jíín grupo fariseo, cuehē jínu cáhīyo ndite ni de te cájicān tahú de. Te tēe cáscuáha jíín máá ní, ¿naun tu cásáha de súcuan? Chi cáyeji de cájihi de.

SAN LUCAS 5:33 ပူးပေါင်းရင်းမြစ်များ

SAN MATEO 23:13

’Nacā xeēn ndoho róhó tée cástéén tutu ley jiín róhó tée fariseo, chi tēe stáhú‑ni cácuu ró. Chi cájesɨ rō jeē quɨ́vɨ ñayuu ndaha Yaā andɨvɨ́ jéē ndacu ya jniñu nuū i. Chi tu quɨ́vɨcoo máá ró, ni tu cájēhe ro jnúhun quɨ̄vɨcoo ñayuu nducú quɨ́vɨ.

SAN MARCOS 12:40

Te cáquende de vehe ñahan ní caquendōo ndáhú. Te nahán cájicān tahú de návāha cani ni ñayuu jeē tú na cuēchi de. Tēe yáha jíjnáhan de chi xeēn gā ndoho de castigo. Achí yá.

SAN LUCAS 11:1

Te ɨɨn quɨvɨ̄ íne Jesús ɨɨn lugar jicán tahú yā. Te nuū ní ndɨhɨ ni jicān tahú yā, te ɨɨn tēe scuáha jíín yá, ni cahān de: Stéén ni núū ná ndese cacān tahú na jíjnáhan ná, nájnūhun ni steén Juan nuū tée ni cascuáha jíín de, áchí de.

SAN LUCAS 18:12

Te uū jínu jeē semana iyó ndite ni na núū ní, te jéhe ná nuū ní ɨɨn ɨɨn sɨquɨ̄ tāca úxī ndajníñu níhín na, áchí de.

SAN LUCAS 2:37

Yūcuán na te ni quendōo ndáhú ña, te ni cuu cuūn xico cuūn cuiyā ña. Te tu cújiyo ña ini vehe iī, chi jéjníñu ña nuū Jítoho yō Yaā Dios nduú ñuú, te ndite ni ña te jícán tahú ña.

SAN LUCAS 20:47

Te cáquende de vehe ñahan ní caquendōo ndáhú. Te nahán cájicān tahú de návāha cani ni ñayuu jeē tú na cuēchi de. Tēe yáha jíjnáhan de chi xeēn gā ndoho de castigo. Achí yá.

SAN LUCAS 5:32

Te ruhū nasūu jéē véji ri cana ri ñayuu tú cuēchi, jeē cúu i nájnūhun ñayuu cáhīyo vāha. Chi sa suhva vēji ri cana ri ñayuu cáhīyo cuēchi, jeē na nácani ni i te stóo i cuēchi i. Achí yá.

SAN LUCAS 5:34

Te ni cahān yā jiín de: ¿A cuu condite ni de níní jéē iyó rí jiín de? ¿A cuu sáha ró jéē condite ni ñayuu cáhīin vico nándāha, te núu níní néne tēe nándāha?

SAN JUAN 1:35

Te ɨnga quɨvɨ̄ ún te Juan íne tucu de yūcuan jíín úū tēe cájica jíín de.

SAN JUAN 3:25

Yūcuán na te sava tēe cáscuáha jíín Juan yōhyo ni cacahān de jíín sava jnáhan de hebreo sɨquɨ̄ núu ndé ɨɨn cúu modo vāha ga jeē cúchi ñayuu ndundoo i nuū Yaā Dios.

HECHOS 9:11

Te ni cahān maá Jítoho yō jiín de: Quihin ichi te quihīn rō calle jeē naní Calle Derecha, te vehe Judas cajnūhun ró ɨɨn tēe nání Saulo ñuu Tarso, chi jícán tahú de.