SAN LUCAS 5:26 - New Testament in Mixtec Atatláhuca

²⁶ Te yōhyo ni canaa ni tāca ñáyuu cájito i, te ni cacahān i jeē yóhyo vāha Yaā cúu Yaā Dios. Te suni yōhyo cáyūhú i, te cácahān i: Vijna te ni cajito yó jniñu jéhnu téyɨ́, áchí i.

SAN LUCAS 5:26 ပူးပေါင်းရင်းမြစ်များ

SAN MATEO 12:23

Te ndɨhɨ ñayuu cuehē un ní canaa ni i cájito i, te ni cacahān i: ¿A tée yáha cúu jeē ni cáhān Yaā Dios jeē cacu nuū yucūn David? áchí i.

SAN MATEO 28:8

Te ni quendacoo ña nuū ní yɨndūji ya, te yachī cuangoo ña. Te cáyūhú ña, te suni yōhyo cácusɨɨ̄ ni ña. Te ni cajinu ña cuacastūhún ña nuū tée cáscuáha jíín yá.

SAN MATEO 9:8

Te ná ni cajito ñayuu un jéē súcuan ni sáha ya, te ni cayūhú i. Te ni cacahān i jeē yóhyo vāha Yaā cúu Yaā Dios jeē súcuan ni jēhe ya poder nuū ɨɨn tēe jeē cúu nasávāha de ñayuu, achí i cájito i Jesús.

SAN MARCOS 2:12

Yūcuán na te ni ndocuɨñɨ̄‑ni tēe ún, te ni naquihin de camilla de, te ni quenda de cuahān de, jíto jínúū ndɨhɨ ñayuu. Te ndɨvii i ni canaa ni i cájito i, te ni cacahān i jeē yóhyo vāha Yaā cúu Yaā Dios. Te áchí i: Ná tu coto cuɨtɨ yō ni ɨɨn jniñu súcuan, áchí i.

SAN LUCAS 1:65

Te tāca ñáyuu ndeé yajni jíín de, yōhyo ni canaa ni i. Te nɨ́ɨ́ yucu región Judea ni jitē núu tāca jnúhun yáha jeē súcuan ni cuu.

SAN LUCAS 5:8

Te ni jito Simón Pedro jeē súcuan ni cuu. Te ni jecuɨñɨ̄ yɨtɨ́ de nuū Jesús, te ni cahān de: Cujiyo ní núū ná, chi tēe íyó cuéchi cúu ná, áchí de.

SAN LUCAS 7:16

Te ndɨvii ñayuu ni cayūhú i jeē ní cajito i, te ni cacahān i jeē yóhyo vāha Yaā cúu Yaā Dios. Te cácahān i: Mēhñu yó ni quee ɨɨn tēe cújéhnu nácani jnūhun Yaā Dios. Te suni cácahān i: Máá Yaā Dios ni quejéé yá chindéé ñáhán yá ñayuu yā. Achí i.

SAN LUCAS 8:37

Yūcuán na te tāca ñáyuu nɨ́ɨ́ región Gadara, ni caquejéé i cácahān ndahú i jíín yá jeē na cújiyo ya quihīn yā, chi yōhyo cáyūhú i. Te ni ndɨ̄vɨ ya ini barco jeē quínuhun yā.

HECHOS 4:21

Yūcuán na te tēe ni cacutútú un ní cacuxeēn tucu de nuū Pedro jiín Juan. Te ni casiáá de cuangoo de, chi tú cuɨtɨ na modo stóho de chi cáyūhu cájito ñayuu, chi sɨquɨ̄ jníñu jéhnu ni cuu ún te ndɨhɨ i cácahān i jeē yóhyo cújéhnu Yaā Dios.

GÁLATAS 1:24

Te ni cacahān i jeē yóhyo cújéhnu Yaā Dios jeē súcuan ni sáha ya jiín rí.