SAN LUCAS 5:21 - New Testament in Mixtec Atatláhuca

²¹ Yūcuán na te tēe cástéén tutu ley Yaā Dios jiín tée grupo fariseo, ni quejéé de cájeni ni de sɨquɨ̄ yā: ¿Ndé ɨɨn cúu tēe yáha jéē cahán de jnūhun ndevāha jeē quɨtɨ́ ni Yaā Dios? Chi nasūu Yáā Dios cúu de jeē cóne cáhnu ni de nuū cuéchi.

SAN LUCAS 5:21 ပူးပေါင်းရင်းမြစ်များ

SAN MATEO 26:65

Yūcuán na te sutū cujéhnu ga ni jehnde de sahma de jeē quɨtɨ́ ndasɨ́ ni de, te ni cahān de: Tēe yáha chi cáhán de jnūhun ndevāha jeē quɨtɨ́ ni Yaā Dios, chi sáha de máá de Sēhe Yaā Dios. ¿Ndé jíni ñúhún gá yō testigo núu súcuan? Chi je ni cajini ró jnúhun ndevāha cáhán de.

SAN MATEO 9:3

Yūcuán na te jecu tēe cástéén tutu ley Yaā Dios, ni cajeni ni de sɨquɨ̄ yā: Jeē cahán tēe yáha súcuan, chi cáhán de jnūhun ndevāha jeē quɨtɨ́ ni Yaā Dios.

SAN LUCAS 3:8

Núu súcuan te sáha ró jniñu váha, te súcuan stéén rō jeē ní nacani ndije ni rō jeē stóo ró cuéchi ró. Te ma cáni ni rō cahān rō jeē cuu cācu ró sɨ́quɨ̄ jeē cácuu ró yúcūn Abraham. Chi cáhán rī jiín ró jeē cuu sáha Yaā Dios jeē tāca yúū yáha nduu sēhe Abraham jeē candíje vāha, te núu cúní yā.

SAN LUCAS 5:17

Te ɨɨn quɨvɨ̄ te stéén yā jnūhun, te jecu tēe grupo fariseo jiín tée cástéén tutu ley Yaā Dios, cáyūcú de yūcuán. Te tēe un ní quecoo de nuū yā jeē véjicoo de tācá ndañúū Galilea, jiín ndañúū Judea, jiín ñuu Jerusalén. Te poder maá Yaā Dios iyó jíín yá jeē nasávāha ya ñayuu cácuhū.

SAN LUCAS 5:22

Te ni jini Jesús jeē súcuan cájeni ni de, te ni cahān yā jiín de: ¿Naun cájeni ni rō jeē cahán ndevāha ri?

SAN LUCAS 7:49

Yūcuán na te ñayuu cáyeji staā jiín yá, ni quejéé i cácahān maá i: ¿Ndé ɨɨn ga cúu tēe yáha jéē cahán jeē íne cáhnu ni nuū cuéchi? áchí i.

SAN JUAN 10:33

Te ni cacahān de jíín yá: Nasūu sɨ́quɨ̄ jeē ni sáha ró jniñu váha cúu jeē cuáha ri yuū xinī rō, chi sɨquɨ̄ jeē cahán ndevāha ró jéē achí ró jeē ɨnuú cúu ró jíín Yaā Dios. Chi tēe‑ni cúu ró, te sáha ró jéē ɨnuú cúu ró jíín Yaā Dios. Achí de jíín yá.

ROMANOS 8:33

¿Te ndé ɨɨn cuu cahān cuēchi sɨquɨ̄ ñayuu jeē ní nacāji Yaā Dios? Tú ni ɨɨn. Chi máá yá ni ndahva yā cuēchi i.