SAN LUCAS 5:1 - New Testament in Mixtec Atatláhuca

¹ Te ɨɨn quɨvɨ̄ te íne Jesús yumar Genesaret. Te ni quecoo cuehē ñayuu, te ni chitú níhin i nuū yā, chi cácuni i cuni nahín i jnūhun Yaā Dios.

SAN LUCAS 5:1 ပူးပေါင်းရင်းမြစ်များ

SAN MATEO 11:12

’Te nde quɨvɨ̄ ní quee Juan tēe scuándute, te nde vijna, chi cánducú ndéyɨ́ ñáyuu quɨ́vɨcoo i ndaha Yaā andɨvɨ́ jéē ndácu ya jniñu nuū i. Te nde ñayuu xeēn cánducú ndéyɨ́ i sɨquɨ̄.

SAN MATEO 14:34

Te ni quenda jíyo ya jiín de nuū mar un, ní jinū yā región Genesaret.

SAN MARCOS 3:9

Te ni cahān yā jiín tée cáscuáha jíín yá jeē na cóo tūhva ɨɨn barco quɨ̄vɨ ya, návāha ma chitú níhin ñayuu cuehē ún xiin ya.

SAN MARCOS 4:1

Te yumar ni quejéé tucu Jesús steén yā jnūhun. Te ni cutútú cuéhē ndasɨ́ ñáyuu nuū yā, te jeē yúcuan ní quɨ̄vɨ ya ni cucōo ya ini ɨɨn barco nuū mar. Te tāca ñáyuu un cáyūcú i yumar.

SAN MARCOS 5:24

Yūcuán na te cuahān yā jiín de. Te cuehē ñayuu cándiquīn i ya, te ni chitú níhin i xiin ya cuangoo i.

SAN MARCOS 6:53

Te ni quenda jíyo ya jiín de nuū mar ún, ní jinū yā región Genesaret. Te yundúte un ní cajihni de barco.

SAN LUCAS 12:1

Te níní súcuan cúu, te ni cacutútú cuéhē mil ñayuu, chi nde cájeñū i sɨquɨ̄ jehé jnáhan i. Te xīhna gā ni quejéé yá cahán yā jiín tée cáscuáha jíín yá: Coto má candíje ró levadura tēe grupo fariseo, chi suu cúu jnūhun stáhú cácahān de. Chi jíté núu nuū ñáyuu, nájnūhun ndécava levadura nuū ñújen pan.

SAN LUCAS 5:2

Te ni jito ya jeē yúcu uū barco yajni yumar. Te tēe cájnɨɨ chācá, je ni quendacoo de ini barco, te cánacate de ñunu de.

SAN LUCAS 8:22

Te ɨɨn quɨvɨ̄ ni quɨ̄vɨ ya ɨɨn barco jiín tée cáscuáha jíín yá, te ni cahān yā jiín de: Na yáha yó quíhīn yō ɨnga lado mar. Te ni cascáca de barco cuangoo de.

SAN LUCAS 8:23

Te níní cáscáca de barco, te ni quixī yā. Te ni jequɨ̄hɨ ɨɨn tachī níhin nuū mar, te je yajni chitú ndute ini barco, te ndúcú quée barco.

SAN LUCAS 8:33

Te ni quendacoo tachī ún ini tēe ún, te ni quɨ̄vɨcoo ini quɨnɨ̄. Te quɨnɨ̄ un ní cajinu tɨ ni nɨngoo tɨ ɨɨn yucáva, ni quɨ̄vɨcoo tɨ nuū mar, te ni ndaquɨ̄hɨ tɨ ndute, ni cajihī tɨ̄.

SAN LUCAS 8:45

Yūcuán na te ni cahān Jesús: ¿Ndé ɨɨn ni quehé sahma ri? achí yá. Te ndɨvii i ni cacahān jeē tu ní quéhé i. Te Pedro jiín tée cáhīin jíín de, ni cacahān de: Maestro, jíto ní jéē ñáyuu cuehē yāha ní chitú níhin i xiin ní, te cáquɨ̄hɨ i níhín, te cájnūhun ní ndé ɨɨn ni quehé sahma ní.

SAN JUAN 1:40

Te Andrés, ñani Simón Pedro, cúu ɨɨn jeē ndɨndúú tée un jéē ní cajini sōho jnūhun ni cahān Juan, te ni candiquīn Jesús.

SAN JUAN 6:1

Yūcuán na te cuahān Jesús ɨnga lado mar Galilea, jeē cúu mar Tiberias.

HEBREOS 13:7

Te na núcūhun ni rō tācá pastor rō, jeē ní castéén de jnūhun Yaā Dios nuū rō. Te sáha vāha ro cuenta ndese ni nihīn jníñu jeē ní casáha de, te na ndácu ró de jeē ní cacandíje de jeē sáha ya jehē de.