SAN LUCAS 4:22 - New Testament in Mixtec Atatláhuca

²² Te ndɨvii i ni cacahān jeē váha tēe cúu ya, te cánaa ni i jeē ní cajini i tāca jnúhun luu ni cahān yā. Te ni cacajnūhun jnáhan i: ¿A násūu séhe José cúu tēe yáha?

SAN LUCAS 4:22 ပူးပေါင်းရင်းမြစ်များ

SAN LUCAS 2:47

Te tāca ñáyuu cájini jnūhun cáhán i, cánaa ni cájito jeē váha cájí xínī i te vāha nástíó cuɨ́ñɨ́ i jnūhun.

SAN LUCAS 2:48

Te nuū ní cajito tátá i náná i nuū i, te ni canaa ni de. Te ni cahān naná i jíín i: Séhē, ¿naun ni sáha ró súcuan jíín rí? Chi ruhū jiín tátá rō, yōhyo ni canacani ni rī cánanducú rí rohó, achí ña.

SAN LUCAS 21:15

Chi ruhū cuāha ri jnūhun ndíchí cahān rō, návāha ñayuu jeē cájito uhū rohó, ma cúndeyɨ́ i jíín ró ni ma cúu cahān i sɨquɨ̄ rō.

SAN LUCAS 4:21

Te ni quejéé yá cahán yā jiín i: Vijna te ni squícu jnūhun cáhán tutu iī yāha ní cajini sōho ró, áchí yá.

SAN JUAN 1:45

Te ni jenanducú de Natanael, te ni cahān de jíín: Ni canihīn jnáhan ri jiín Yaā jeē yosó jnúhun ya nuū tútu ley jeē ní tee Moisés, jiín núū tútu ni catee tēe ni canacani jnūhun Yaā Dios nde jenahán. Te Jesús sēhe José ñuu Nazaret cúu ya. Achí de.

SAN JUAN 6:42

Te ni cacahān de: ¿A násūu tée yáha cúu Jesús, sēhe José? Te cájini yō tatá de náná de. ¿Te ndese cúu jeē cahán de jeē ni quíji de ichi ándɨvɨ́ núu súcuan?

SAN JUAN 7:46

Te ni cacahān policía un: Tú cuɨtɨ ni ɨɨn tēe cáhán vāha ndasɨ́ nájnūhun cáhán tēe yúcuan, áchí.

HECHOS 6:10

Te tu ní cácundeyɨ́ jíín de, chi ndíchí ní cahān de ni sáha máá Espíritu Santo.

TITO 2:8

Te ndaā vāha stéén rō, návāha ma cúu cahān ñayuu sɨquɨ̄. Te súcuan te cucanu ñayuu cácuu contra, chi ma cúu cahān i ni ɨɨn cuēchi sɨquɨ̄ rō.