SAN LUCAS 4:18 - New Testament in Mixtec Atatláhuca

¹⁸ Espíritu maá Jítoho yō Yaā Dios iyó yá jiín rí, chi ni tejníñu ya ruhū jeē nácani ri jnūhun vāha nuū ñáyuu ndahú. Te ni tají yá ruhū vēji ri jiín jnúhun jeē ndúvāha ni ñayuu cácucuíhyá ni. Te castūhun rí nuū ñáyuu cáyɨhɨ ndaha jexeén jeē coo libre i. Te sáha ri jeē ndúndijin ini anuá ñayuu tu cájecūhun ni, te jnama ri ñayuu jeē cándoho i sáha jnáhan i.

SAN LUCAS 4:18 ပူးပေါင်းရင်းမြစ်များ

SAN MATEO 11:5

Te cachi rō nuū de jeē ñáyuu cuaá cánanune tɨnūú i, te ñayuu yacuá cánacaca i, te ñayuu ndóho cuehyɨ̄ stehyú cánduvāha i, te ñayuu sohó cánanune sōho i, te ñayuu jihí nátecu i sáha ri. Te suni nácani ri jnūhun nuū ñáyuu ndahú jéē jnama Yaā Dios i.

SAN MATEO 12:18

Yāha cúu mozo rī jeē ní nacāji ri, te manī rī jiín yá, te cúsɨɨ̄ ni rī jiín yá. Te cuāha ri Espíritu rī coo jíín yá. Te máá yá sándaā jniñu ñayuu tācá nación.

SAN MATEO 12:20

Ma sáha xeēn yā jiín ñáyuu ni cunīhin jnūndóho sɨquɨ̄, ni ma snáā yā ñayuu jeē maá lulí‑ni cácandíje. Chi cujéhnu ya sɨquɨ̄ ndɨhɨ, te ndaā ndacu ya jniñu.

SAN MATEO 4:16

Ñayuu ún chi nájnūhun cáyūcú i nuū néē, te coto i nájnūhun ɨɨn luz cáhnu. Te ñayuu je yajni naa, nihīn i jnūhun váha ndasɨ́, suu jnūhun jeē jnama ya anuá i. Achí Isaías.

SAN MATEO 5:3

Yōhyo ndetū ñayuu jeē cánacuni i jeē tu íyó váha ánuá i sɨquɨ̄ cuéchi i, chi je ni quɨ̄vɨcoo i ndaha Yaā andɨvɨ́ jéē ndácu ya jniñu nuū i.

SAN LUCAS 4:17

Te ni cajēhe de tutu ni tee Isaías, tēe ni nacani jnūhun Yaā Dios nde jenahán. Te ni nune ya tutu ún, te ni nanihīn yā nuū yosó jnúhun ni cahu ya:

SAN LUCAS 6:20

Te ni ndacoto ya nuū tée cáscuáha jíín yá un, te ni cahān yā: Yōhyo ndetū rohó jéē cándoho ndáhú, chi quɨ̄vɨ ró ñuu nuū ndácu Yaā Dios jniñu.

SAN LUCAS 7:22

Te ni cahān yā jiín de: Cuángoo te castūhun ró nuū Juan tācá jniñu ni cajito ró jíín jnúhun ni cajini ró. Te cachi rō nuū de jeē ñáyuu cuaá cánanune tɨnūú i, te ñayuu yacuá cánacaca i, te ñayuu ndóho cuehyɨ̄ stehyú cánduvāha i, te ñayuu sohó cánanune sōho i, te ñayuu jihí nátecu i sáha ri. Te suni nácani ri jnūhun nuū ñáyuu ndahú jéē jnama Yaā Dios i.

SAN JUAN 1:41

Te Andrés, yachī ni jenanducú de ñani de Simón, te ni cahān de jíín: Ni caquijnáhan ri jiín Mesías, achí de. Te jnūhun un cúní cahān Cristo, Yaā ní tají Yaā Dios.

SAN JUAN 12:46

Máá rí jeē cúu ri luz cúndijin ini anuá ñayuu, ni quiji ri ini ñayɨ̄vɨ návāha tāca ñáyuu cácandíje ruhū, ma cáca i nájnūhun nuū néē.

SAN JUAN 3:34

Chi Yaā ní tají Yaā Dios vēji, máni máá jnúhun Yaā Dios cahán yā. Chi Yaā Dios tu yɨ́cuāha jéhe ya Espíritu yā nuū Yaā ní tají yá.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

HECHOS 26:18

Te tájí rí rohó quíhīn rō nuū i, chi nájnūhun nanune ró tɨ́nūú i cúu jeē steén rō jnūhun ri nuū i te jecūhun ni i. Chi ñayuu ná tu candíje i ruhū, nájnūhun cájica i nuū néē. Te jeē candíje i ruhū, quɨ̄vɨ i nuū luz rī, te tuá quɨhɨ i chīji jniñu jeē cuní jexeén jeē cúu Satanás, chi sa suhva quɨhɨ i chīji jniñu cúní maá rí. Te tájí rí rohó quíhīn rō nuū i, návāha candíje i ruhū te cone cáhnu ni rī nuū cuéchi i. Yūcuán na te ɨnuú níhīn tahú i jíín táca gá ñayuu jeē ni sándoo ri anuá i, áchí yá jiín ná.

HECHOS 4:26

Ni cacutútú jéē cácuu rey ñayɨ̄vɨ jíjnáhan, te tēe cácujéhnu ni cacutútú de, te ɨnuú‑ni ni candonda de sɨquɨ̄ maá ní jeē cúu ní Jitoho ná, jíín sɨ́quɨ̄ Cristo, Yaā jeē ní jeni ní. Achí David.

HECHOS 4:27

’Te jendaá chi Herodes jiín Poncio Pilato jiín táca tée ñuu yō Israel jiín tée tāca gá nación, ni cacutútú de ini ñuu yáha ní candonda de sɨquɨ̄ Séhe iī ní Jesús, Yaā ní jeni ní.

COLOSENSES 1:13

Chi ni jnama ya yohó jéē ni yɨ́hɨ yó ndaha máá jéē jnɨ́ɨ poder nuū néē, te ni squɨ́vɨ ya yohó ndaha Séhe ya jeē maní yā jiín, ndácu ya jniñu nuū yō.

SANTIAGO 2:5

Ñánī mánī, chusóhó ró jnūhun cáhán rī: Yaā Dios ni nacāji ya ñayuu ndahú ini ñayɨ̄vɨ yáha jéē cóo cúcá i jíín jnúhun cácandíje i ya, te nihīn i tahū i ñuu nuū ndácu ya jniñu. Chi ni jejnūhun ya cuāha ya un núū ñáyuu jeē maní jiín yá.

1 PEDRO 2:9

Te máá ró cácuu ñayuu jeē ní nacāji Yaā Dios. Te suni cácuu ró sútū cájejníñu nuū maá Yaā cúu Rey, te ñayuu cáhīyo ndoo, jíín ñáyuu maá yá cácuu ró. Súcuan ni sáha Yaā Dios rohó návāha nacani ró jnúhun ndese yōhyo jéhnu jniñu sáha ya, chi máá yá ni cana róhó ná ni coyūcu ró nájnūhun nuū néē. Te ni squɨ́vɨcoo ya rohó núū luz yā jeē yóhyo vāha stéén yā ini anuá rō.