SAN LUCAS 24:6 - New Testament in Mixtec Atatláhuca

⁶ Tuá yā yāhá, chi je ni natecu yā. Te nucūhun ni rō ndese ni cahān yā jiín ró ná íne ga yā región Galilea.

SAN LUCAS 24:6 ပူးပေါင်းရင်းမြစ်များ

SAN MATEO 12:40

Chi nájnūhun ni ine Jonás chīji chācá cáhnu unī nduú unī ñuú, suni súcuan ruhū, Yaā ní nduu tēe, cuu rī te cone ri chīji ñuhun unī nduú unī ñuú, te sáá te natecu rī.

SAN MATEO 16:21

Te nde saá ní quejéé Jesús cástūhun cájí yá nuū tée cáscuáha jíín yá jeē jíni ñúhún quihīn yā ñuu Jerusalén. Te tāca tée jéhnu jíín sútū cácujéhnu jíín tée cástéén tutu ley, stóho ndasɨ́ de ya. Te cahni de ya, te nuū uní quɨvɨ̄ te natecu yā, achí yá.

SAN MATEO 27:63

Te ni cacahān de: Cánucūhun ni na jéē nde na técu tēe stáhú néé un te ni cahān de jeē nátecu de nuū uní quɨvɨ̄.

SAN MATEO 28:6

Tuá yā yāhá, chi je ni natecu yā, nájnūhun ni cahān yā. Nehen condēhe ró nuū ní cachindūji de ya.

SAN MARCOS 16:6

Te ni cahān yā jiín ña: Ma yūhu ró jijnáhan ró. Chi vecondēhe ró Jesús ñuu Nazaret, Yaā ni jíhī jicā cruz. Tuá yā yāhá, chi je ni natecu yā. Yāhá condēhé ró nuū ní cachindūji de ya.

SAN MARCOS 8:31

Te ni quejéé yá steén yā nuū de: Máá rí, Yaā ní nduu tēe, cánuú ndoho xeēn rī. Te tāca tée jéhnu jíín sútū cácujéhnu jíín tée cástéén tutu ley, squéhichī de ruhū, te cahni de ruhū. Te nuū uní quɨvɨ̄ te natecu rī, achí yá.

SAN LUCAS 24:34

Te ni cacahān tēe cáyūcu tútú un: Jendaá ndije jeē ní natecu maá Jítoho yō, te ni nane ndijin yā nuū Simón, achí de jíjnáhan de.

SAN LUCAS 24:5

Te yōhyo ni cayūhú ña, te ni cajexin ña nuū ña nde nuū ñúhun. Te ni cacahān ndajéhé un jíín ña: ¿Naun sa nuū cáyɨndūji ndɨ̄yɨ cánanducú ró Yaā técu?

SAN LUCAS 9:22

Te ni cahān yā: Máá rí, Yaā ní nduu tēe, cánuú ndoho xeēn rī. Te tāca tée jéhnu jíín sútū cácujéhnu jíín tée cástéén tutu ley, squéhichī de ruhū. Te cahni de ruhū, te nuū uní quɨvɨ̄ te natecu rī, achí yá.

SAN LUCAS 9:44

Chuhun vāha ni rō jnūhun cáhán rī yāhá, te ma náā ni rō, chi ruhū, Yaā ní nduu tēe, nastúu i ruhū quɨ̄vɨ ri ndaha tāca tée xeēn, achí yá.

HECHOS 2:24

Te ni nastécu Yaā Dios Jesús te tuá ni cúu ya ndɨ̄yɨ, chi jnūhun xeēn jeē jihí ñayuu, tuá na vé cúu ga sáha jíín yá.

2 TESALONICENSES 2:5

¿A cánahán ró jnūhun yáha? Chi súcuan ni cahān rī jiín ró ná ni īyo ri jiín ró.