SAN LUCAS 24:39 - New Testament in Mixtec Atatláhuca

³⁹ Condēhé ndaha ri jiín jéhē rī, te cuni rō jeē maá rí cúu. Jnɨɨ ruhū te cuni rō, chi ɨɨn ánuá tu névāha cūñu ni yɨquɨ nájnūhun cájito ró jéē névāha máá rí, achí yá.

SAN LUCAS 24:39 ပူးပေါင်းရင်းမြစ်များ

SAN LUCAS 23:46

Yūcuán na te ni cana jee Jesús: Tátā, naquihin ní ánuá na, áchí yá. Te súcuan ni cahān yā, te ni jihī‑ni ya.

SAN LUCAS 24:38

Te ni cahān yā jiín de: ¿Naun cáyūhu ró, te naun cájeni sɨquɨ́ ni rō súcuan?

SAN LUCAS 24:40

Te jeē ni cáhān yā súcuan, te ni steén yā ndaha ya jehē yā nuū ni yɨ́hɨ ndūyu cāa.

SAN JUAN 20:20

Te ná ni cahān yā súcuan, te ni steén yā ndaha ya jiín xiin ya nuū de. Te ni cacusɨɨ̄ ni tēe cáscuáha un jéē ní cajito de nuū maá Jítoho yō.

SAN JUAN 20:25

Yūcuán na te sava ga tēe cáscuáha un, ní cacahān de jíín Tomás: Ni cajito ri nuū maá Jítoho yō. Te ni cahān Tomás: Núu tú coto ri nuū ni túji ndaha ya ni sáha ndūyu cāa, te núu tú chune ri xinī ndáha ri nuū ni íne ndūyu cāa, te núu tú chune ri ndaha ri xiin ya, te ma candíje cuɨtɨ rī, achí de.

SAN JUAN 20:27

Te ni cahān‑ni ya jiín Tomás: Chune xinī ndáha ró ini ndaha ri yāhá te coto ró. Te scáá ndaha ró, te chune ró xiin ri nuū ni tújī. Te ma cáni sɨquɨ́ gá ni rō, chi sa suhva na cándíje ró.

HECHOS 1:3

Te nuū ni jínu ni ndoho ya jeē ni jíhī yā, te uū xico quɨvɨ̄ te tɨjnɨ jínu ni steén ndijin yā maá yá nuū tée un jíjnáhan de, te súcuan ni cajini de jeē iyó ndáā jeē ní natecu yā. Te ni cahān yā jiín de sɨquɨ̄ ndese ndácu Yaā Dios jniñu.

1 TESALONICENSES 5:23

Te máá Yaā Dios jeē jéhe jnūhun ndeyɨ́ sɨ́ɨ̄ ni, ñúhun ni rī jeē sáha ndɨhɨ ya jeē cóo ndoo coo iī rō nuū yā. Te ñúhun ni rī jeē cóndito vāha ya anuá rō jiín jéē níjnūní rō, jíín yɨquɨ cúñu rō, návāha tú na cuēchi coo sɨquɨ̄ rō quɨvɨ̄ ndíji máá Jítoho yō Jesucristo.

HEBREOS 12:9

Te tátá yō ñayɨ̄vɨ yáha, suni ni snahnú de yóhó, te ni īyo yɨ́ñúhún yó jíín de. Te nagā ni cuu jeē ma cuándetū yō nuū maá Tátá yō andɨvɨ́ jeē snahnú yā yohó, te cotecu yō nɨɨ́ cáni.

1 JUAN 1:1

Jnūhun cátee ri cuajeē nuū rō jijnáhan ró cúu jnūhun máá Yaā jeē je íyó ndé ná tu jecōo tāca jéē iyó. Te ni cajini sōho ri jeē ni cáhān yā, te ni cajito jínúū rī yā, chi ni cajito vāha ri nuū yā, te ni cajnɨɨ ri yā. Te máá yá cúu Jnūhun cotecu yō nɨɨ́ cáni.