SAN LUCAS 24:25 - New Testament in Mixtec Atatláhuca

²⁵ Yūcuán na te ni cahān maá yá jiín de: Tēe tu cájecūhun cuɨtɨ ni cácuu ró. Yōhyo uhū cácandíje ró táca jnúhun Cristo ni cacahān tēe ni canacani jnūhun Yaā Dios nde jenahán.

SAN LUCAS 24:25 ပူးပေါင်းရင်းမြစ်များ

SAN MATEO 26:24

Te ruhū, Yaā ní nduu tēe, jendaá cúu jeē quihín rī cuu rī, nájnūhun yósó jnúhun ri nuū tútu iī. Te nacā xeēn ndoho tēe nastúu ruhū. Vāha ga núu tu ní cácu tēe un núú, áchí yá.

SAN MARCOS 16:14

Te cúcuéé gá te ni nane ndijin yā nuū ndɨhúxí ɨɨn de jeē cáyūcú de mesa cáyeji de staā. Te ni cahān yā nuū de, chi nīhni ni de jeē tu cácandíje de jeē cácahān jnáhan de un, jéē ní natecu yā ni cajito de ya.

SAN MARCOS 7:18

Te ni cahān yā jiín de: ¿A máá ró suni ná tu jecūhun ni rō, chí naún? ¿A tu cájini rō jeē tāca jéē quɨ́vɨ ini ñayuu, ma cúu cujnéhén i sáha?

SAN MARCOS 9:19

Te ni cahān yā jiín de jíjnáhan de: Ñayuu tu cándíje cuɨtɨ cácuu ró. ¿Nasaa ga quɨvɨ̄ condee rī jiín ró? ¿Te nasaa ga quɨvɨ̄ cuandeyɨ́ ni rī jiín ró? Cuáquihin sūchí un, na quíji i, áchí yá.

SAN LUCAS 24:24

Te ni jengoo sava jnáhan ná ndé yaū ndɨ̄yɨ ún, te ni cajito de jeē súcuan íyó, nájnūhun ni cacahān ñahan ún, te tu ní cájito cuɨtɨ de nuū yā.

SAN JUAN 5:39

Cánanducú vii rō tāca jnúhun cáhán tutu iī, chi cájeni ni rō jeē yūcuan níhīn rō jnūhun jeē cótecu rō nɨɨ́ cáni sáha. Te jnūhun sɨquɨ̄ maá rí cúu jeē cahán tutu ún.

1 CORINTIOS 15:3

Chi jnūhun cánuú gá jeē ni níhīn maá rí ni nastéén rī nuū rō: Jeē ni jíhī Cristo sɨquɨ̄ cuéchi yó, nájnūhun je cáhán tutu iī nde jenahán.