SAN LUCAS 20:46 - New Testament in Mixtec Atatláhuca

⁴⁶ Coto má cándíje ró táca tée cástéén tutu ley. Chi cácusɨɨ̄ ni de cáñuhun de sahma cáni jeē steén jeē cujéhnu de, cájica cuu de jíín. Te cánujnahan ni de jeē cahán yɨñúhún ñáyuu jiín de nuū yáhu. Te cánujnahan ni de cucōo de nuū silla yɨñúhún gá ini vehe iī sinagoga, jiín silla yɨñúhún gá nuū víco cáyeji ñayuu.

SAN LUCAS 20:46 ပူးပေါင်းရင်းမြစ်များ

SAN MATEO 16:6

Te ni cahān Jesús jiín de: Coto má candíje ró levadura tēe grupo fariseo jiín tée grupo saduceo, achí yá.

SAN MATEO 23:1

Yūcuán na te ni cahān Jesús jiín ñáyuu jiín tée cáscuáha jíín yá:

SAN MARCOS 8:15

Te ni ndacu ya jniñu nuū de: Coto má candíje ró levadura tēe grupo fariseo jiín levadura Herodes, achí yá.

SAN LUCAS 11:43

’Nacā xeēn ndoho róhó tée fariseo, chi máni cánujnahan ni rō cucōo ró núū silla yɨñúhún gá ini vehe iī sinagoga. Te cánujnahan ni rō jeē cahán yɨñúhún ñáyuu jiín ró nuū calle.

SAN LUCAS 12:1

Te níní súcuan cúu, te ni cacutútú cuéhē mil ñayuu, chi nde cájeñū i sɨquɨ̄ jehé jnáhan i. Te xīhna gā ni quejéé yá cahán yā jiín tée cáscuáha jíín yá: Coto má candíje ró levadura tēe grupo fariseo, chi suu cúu jnūhun stáhú cácahān de. Chi jíté núu nuū ñáyuu, nájnūhun ndécava levadura nuū ñújen pan.

SAN LUCAS 14:7

Te ni jito Jesús jeē tée ni cataca ún, cánacāji de silla yɨñúhún gá nuū mesa cucōo de. Te ni cahān yā jnūhun yáha jíín de:

SAN LUCAS 20:47

Te cáquende de vehe ñahan ní caquendōo ndáhú. Te nahán cájicān tahú de návāha cani ni ñayuu jeē tú na cuēchi de. Tēe yáha jíjnáhan de chi xeēn gā ndoho de castigo. Achí yá.

ROMANOS 12:10

Te cánuú coo manī rō jiín jnáhan ró nájnūhun jéē maní rō jiín ñani rō. Te nducú ró jeē quéndōo yɨ́ñúhún gá jnáhan ró vēsú maá ró.

2 TIMOTEO 4:15

Te condito ró máá ró nuū de, chi yōhyo ni cuu de contra sɨquɨ̄ jnúhun cástéén yó.

3 JUAN 1:9

Je ni tee ri ɨɨn carta nuū ñáyuu cácandíje jiñā. Te Diótrefes, tu jétáhú de jnūhun cáhán rī, sɨquɨ̄ jeē cuní de cujéhnu máá de nuū i.