SAN LUCAS 18:42 - New Testament in Mixtec Atatláhuca

⁴² Te ni cahān Jesús jiín de: Ndundijin tɨnūu ró núu súcuan. Ni candíje ró jeē cuu nasávāha ri rohó, te jeē yúcuan ní nduvāha ró, áchí yá.

SAN LUCAS 18:42 ပူးပေါင်းရင်းမြစ်များ

SAN MATEO 15:28

Yūcuán na te ni cahān Jesús: Yōhyo vāha jeē cándíje nīhin ní súcuan, nánā. Te na sáha ná jéē cuní ni, áchí yá. Te máá hora un ní nduvāha‑ni sēhe sɨ́hɨ́ ña.

SAN MATEO 8:3

Te Jesús ni soó yá ndaha ya sɨquɨ̄ de, te ni cahān yā: Cúní rī. Te na ndúvāha ró, áchí yá. Te ná ni cahān yā súcuan, te ni nduvāha‑ni tēe ndóho cuehyɨ̄ stehyú un.

SAN MATEO 9:22

Te ni ndió cóto Jesús, te ni jito ya nuū ña, te ni cahān yā: Na ndúndeyɨ́ ni rō, séhē. Ni candíje ró jéē cuu nasávāha ri rohó, te jeē yúcuan ní nduvāha ró, áchí yá. Te ni nduvāha ña máá hora un.

SAN LUCAS 17:19

Te ni cahān yā jiín tée ún: Ndocuɨñɨ̄ quinuhun rō. Chi ni candíje ró jéē cuu nasávāha ri rohó, te jeē yúcuan ní nduvāha ró, áchí yá.

SAN LUCAS 18:41

¿Na vé cuní rō jeē sáha ri jiín ró? achí yá. Te ni cahān de: Jeē na ndúndijin tɨnūu ná cuní na, áchí de.

SAN LUCAS 7:50

Te Jesús ni cahān gā yā jiín ñahan ún: Ni candíje ró rúhū, te jeē yúcuan ní jnama ri rohó. Cuáhán te na ndúsɨɨ̄ ni rō. Achí yá.

SAN LUCAS 8:48

Te ni cahān yā jiín ña: Séhē, ni candíje ró jéē cuu nasávāha ri rohó, te jeē yúcuan ní nduvāha ró. Cuáhán te na ndúsɨɨ̄ ni rō, achí yá.