SAN LUCAS 18:23 - New Testament in Mixtec Atatláhuca

²³ Te ná ni jini sōho de jnūhun yáha, te yōhyo ni cucuíhyá ni de, chi cúcá ndasɨ́ de.

SAN LUCAS 18:23 ပူးပေါင်းရင်းမြစ်များ

SAN MATEO 19:22

Te tēe suchí un, ná ni jini sōho de jnūhun yáha, te ni cucuíhyá ni de te cuahān de, chi cúcá ndasɨ́ de.

SAN MARCOS 10:22

Te ná ni jini sōho de jnūhun yáha, te ni jnahuhū ni de, te cúcuíhyá ni de cuahān de, chi cúcá ndasɨ́ de.

SAN LUCAS 12:15

Te ni cahān gā yā: Condito ró máá ró jijnáhan ró jéē ma ndíyo ni rō xūhun jíín táca gá. Chi vēsú cuehē ndasɨ́ ndajníñu névāha ɨɨn tēe, te nasūu jéē yúcuan sáha jeē quéndōo ndetū de, áchí yá.

SAN LUCAS 18:22

Te Jesús ni jini ya jnūhun yáha, te ni cahān yā jiín de: Ɨɨn na jniñu cúmanī sáha ró núu súcuan. Xīcó ndɨhɨ jeē névāha ró, te cuāha ró núū ñáyuu ndahú. Te nde andɨvɨ́ cuāha ya jeē váha ndasɨ́ núū rō. Yūcuán na te quiji ró condiquīn rō ruhū, achí yá.

SAN LUCAS 18:24

Te jíto Jesús jeē súcuan cúcuíhyá ni de, te ni cahān yā: Tēe cúcá chi yōhyo yɨɨ́ quɨ́vɨcoo de ndaha Yaā Dios jeē ndacu ya jniñu nuū de.

SAN LUCAS 19:8

Yūcuán na te ni ndocuɨñɨ̄ Zaqueo, te ni cahān de jíín máá Jítoho yō: Vijna te sava ndɨhɨ ndajníñu ná chi cuāha ná núū ñáyuu ndahú. Te núu ni scáa ga na ní jicān na xúhun nuū ñáyuu, te nacuāha ná únī gā sɨquɨ̄ naquihin i, áchí de.

SAN LUCAS 21:34

’Te coto ma stɨ́vɨ ró maá ró jijnáhan ró jéē sáha ró táca cuéchi, jíín jéē najīni ró, jíín jéē cujnéñu ró jíín táca ndajníñu cotecu rō, návāha tú sanaa ni rō te quee quɨvɨ̄ un sɨ́quɨ̄ rō.

SAN LUCAS 8:14

Te trigo jeē ni jítē nuū náne iñu cúu nájnūhun ñayuu cájini jnūhun, te cuangoo i te cácujnéñu i jíín jniñu i jíín jéē cuní i cucúcá i te coo sɨɨ̄ ni i. Te tu íje i jíín jnúhun ya.

EFESIOS 5:5

Chi je cájini rō jeē ní ɨɨn ñayuu cájica jnéní, ni jeē sáha jniñu jnéhén, ni jeē ndíyo ni tācá ndajníñu, ma nihín tahú i quɨ̄vɨ i ndaha Cristo jiín Yaā Dios jeē ndacu ya jniñu nuū i. Chi tāca jéē ndíyo ni i cúu nájnūhun ídolo i jeē cáchiñúhún i.

FILIPENSES 3:8

Te suni chíhi ri cuenta jeē vāha ga na náā ndɨhɨ jeē ní tenuū rī ún, chi vāha ndasɨ́ gá cúu jeē ni quɨ́vɨ ri ndaha máá Jítoho rī Cristo Jesús. Te jeē sɨquɨ́ maá yá te ni siaá rī ndɨhɨ ún, te sáha ri cuenta jeē nájnūhun yācá‑ni cúu. Chi ni quɨ̄vɨ ri ndaha Cristo,

COLOSENSES 3:5

Núu súcuan te casɨ rō tāca modo cuní maá ró jeē cáhīyo ró ini ñayɨ̄vɨ yáha. Chi ma cáca jnéní ró, ma sáha ró jniñu jnéhén, ma ndíyo ni rō sáha ró táca jniñu néé, ma cutóó ró, ma ndíyo ni rō ndajníñu. Chi tācá ndajníñu jeē ndíyo ni yō cúu nájnūhun ídolo yō jeē chiñúhún yó.

1 JUAN 2:15

Ma cutóó ni rō sɨquɨ̄ ñayɨ̄vɨ́, ni tāca jéē iyó ini ñayɨ̄vɨ́. Chi núu ndé ñáyuu cutóó ni i sɨquɨ̄ ñayɨ̄vɨ́, ñayuu ún tu íyó mánī i jíín Tátá yō Yaā Dios.