SAN LUCAS 16:20 - New Testament in Mixtec Atatláhuca

²⁰ Te suni ni īyo ɨɨn tēe ndáhú, nání de Lázaro, néne de yéhyɨ́ tée cúcá un, te nɨ́ɨ́ cáhnu de íin ndɨ̄hyɨ.

SAN LUCAS 16:20 ပူးပေါင်းရင်းမြစ်များ

SAN MATEO 26:71

Te ni quenda de yéhyɨ́ núū quéhe, te ni jito ɨnga ñahan nuū de. Te ni cahān ña jíín ñáyuu cáhīin yūcuán: Tēe yáha chi suni ni jica de jíín Jesús, tēe ñuu Nazaret, achí ña.

SAN LUCAS 16:19

Te ni cahān gā yā: Ni īyo ɨɨn tēe cúcá, ní ñuhun de sahma lúu váha ndasɨ́. Te ndɨquɨvɨ̄ ni īyo vāha ndasɨ́ jéē ní yeji de.

SAN LUCAS 16:21

Te máni cúní de jeē ndutú chíji de jíín stáā cuēchi jeē stɨ́vɨ tēe cúcá un. Te quécoo ina te cánayuu tɨ nuū ndɨ́hyɨ de.

SAN JUAN 11:1

Te ni īyo ɨɨn tēe cúhú, nání de Lázaro. Te máá de jíín cuáha de María jiín Marta, cácuu de ñayuu ñuu Betania.

HECHOS 3:2

Te cájendēca ñayuu ɨɨn tēe cáríngo nde quɨvɨ̄ ní cacu de. Te tēe un ndéé de ndɨjnahan quɨvɨ̄ yehyɨ́ templo jeē naní Hermosa, jícán de caridad nuū tāca ñáyuu quɨ́vɨcoo ini templo.

SANTIAGO 1:9

Tācá hermano ndahú, na cúsɨɨ̄ ni de jeē sáha Yaā Dios jeē cujéhnu de.

SANTIAGO 2:5

Ñánī mánī, chusóhó ró jnūhun cáhán rī: Yaā Dios ni nacāji ya ñayuu ndahú ini ñayɨ̄vɨ yáha jéē cóo cúcá i jíín jnúhun cácandíje i ya, te nihīn i tahū i ñuu nuū ndácu ya jniñu. Chi ni jejnūhun ya cuāha ya un núū ñáyuu jeē maní jiín yá.