SAN LUCAS 15:13 - New Testament in Mixtec Atatláhuca

¹³ Te ni cuu jecu‑ni quɨvɨ̄, te tēe suchí gá un ní stutú ndɨhɨ i ndajníñu i. Te ni quenda i cuahān i ɨɨn ñuu jicá. Te yūcuan ní snáā i tahū i, chi ni jexīn cāhá i.

SAN LUCAS 15:13 ပူးပေါင်းရင်းမြစ်များ

SAN LUCAS 15:12

Te tēe suchí gá ni cahān i jíín tátá i: Tátā, tahú sáva ní ndajníñu ní, te cuāha ní sava cuu tahū ná, áchí i. Te ni tahú sáva de tahū ndɨndúú i.

SAN LUCAS 15:14

Te ná ni ndɨhɨ ni jexīn i, te ni quee ɨɨn jnamā xeén ini ñuu ún, te ni quejéé cúmanī jeē cáji i.

SAN LUCAS 15:30

Te ni ndee sēhe ní yáha jeē ni jéxīn cāhá i xūhun ní jíín táca ñahan. Te ni jehni ní becerro xéhen caji i, áchí i jíín tátá i.

SAN LUCAS 16:1

Te suni ni cahān Jesús jiín tée cáscuáha jíín yá: Ɨɨn tēe cúcá ní īyo ɨɨn mozo de jeē ndíso jníñu nuū tāca gá mozo. Te ni cacahān jiín patrón un jéē mozo un snáā cāhá ndajníñu de.

SAN LUCAS 16:19

Te ni cahān gā yā: Ni īyo ɨɨn tēe cúcá, ní ñuhun de sahma lúu váha ndasɨ́. Te ndɨquɨvɨ̄ ni īyo vāha ndasɨ́ jéē ní yeji de.

EFESIOS 2:13

Te vijna chi ni ndɨ̄vɨcoo ró núū Yaā Dios jeē tu ní cájini rō jnūhun ya nde saá, chi ni quɨ̄vɨcoo ró ndaha Cristo sɨquɨ̄ jeē ni jíhī yā jehē rō.

EFESIOS 2:17

Chi ni quiji Cristo ni nacani ya jnūhun vāha nuū tāca ñáyuu jeē na ndɨ́vɨ i nuū jnúhun manī yā jiín i, cúu róhó ñáyuu tu ní cájini jnūhun ya, te suni ñayuu jnáhan ri hebreo jeē cájini jnūhun ya.

2 PEDRO 2:13

Te jeē ní castóho de ñayuu, suni súcuan nanihīn de ndoho de. Te cácusɨɨ̄ ni de jíín táca jéē cácajni ni de, te cásáha de tācá jniñu jeē cándiyo néé ni de. Te cácuu de tēe quini jeē casáha jniñu cúcanu ñayuu. Te jeē cándutútú de jíín ró vico ró, te níní cácusɨɨ̄ ni de jíín jniñu néé jniñu stáhú.