SAN LUCAS 14:23 - New Testament in Mixtec Atatláhuca

²³ Te ni cahān tucu patrón: Quihīn tucu ró táca calle jiín ichi, te cana fuerza rō ñayuu na quíjicoo i, návāha chitú vehe ri.

SAN LUCAS 14:23 ပူးပေါင်းရင်းမြစ်များ

SAN MATEO 21:43

Núu súcuan te cáhán rī jiín ró jeē cujiyo‑ni jeē ndácu Yaā Dios jniñu nuū rō jijnáhan ró, te nacuāha ya jniñu un núū ɨnga ñayuu jeē squícu váha i jniñu ndácu ya nájnūhun cúní yā.

SAN MATEO 5:41

Te núu ndé tée scáca de róhó jéē condiso ró ndajníñu de ɨɨn kilómetro, te caca ró úū kilómetro jiín de.

SAN LUCAS 14:22

Te ni jehēn mozo, te ni ndee de, te ni cahān de jíín patrón de: Je ni sáha ná jéē ni cáhān ní, te cúmanī gā ñayuu te chitú vehe ní, áchí de.

SAN LUCAS 14:24

Chi cáhán rī jiín ró jeē ní ɨɨn tēe ni cana ri xīhna ñúhún, ma cuáha cuɨtɨ rī jnūhun jeē cuxíni de vehe ri, achí de. Achí yá.

SAN LUCAS 24:29

Te máá de ni castétu de ya, ni cacahān de jíín yá: Ndōo ní vehe ná, chi je ni ini te je yajni cuaa, áchí de. Yūcuán na te ni quɨ̄vɨ ya jeē quéndōo ya jiín de.

HECHOS 16:15

Te ni jendute ña nde jiín ñáyuu cáyūcú vehe ña, te ni cahān ndahú ña jíín ná: Núu cácucáhnu ni ni jéē candíje ndije ná máá Jítoho yō, te cuajeē ní coyūcu ní vehe ná, áchí ña. Te ni cana fuerza ña sāña jíjnáhan ná.

HECHOS 18:6

Te ni caquejéé i ni cacahān i sɨquɨ̄ jnúhun ún, te ni cacahān xeēn i nuū Pablo. Te máá de ni caja de sahma de jeē cúu seña jeē stóo de i jíín cuéchi i, te ni cahān de jíín i: Cuēchi máá ní cúu jeē jnahnū ndetū ni núu súcuan, te nasūu cuéchi máá ná cúu. Nde vijna te quihīn na núū ñáyuu tācá nación jeē tu cájini i jnūhun ya, te nacani ná jnúhun ya nuū i, áchí de.

HECHOS 28:28

Núu súcuan te na cástūhun ná nuū ni jéē jnúhun ni tají Yáā Dios jeē jnáma ya yohó, nde vijna te tájí yá jnūhun yáha quíhīn nuū ñáyuu tācá nación jeē tu cájini i jnūhun ya, te máá i chi cuni sōho i, áchí de.

HECHOS 9:15

Te ni cahān maá Jítoho yō jiín de: Cuáhán, chi máá rí ni nacāji tēe un jéē quihīn de nacani de jnūhun ri nuū tāca ñáyuu nación Israel jiín núū ñáyuu tāca gá nación nde jiín núū tāca rey.

ROMANOS 10:18

Te cájnūhun rí: ¿A tu ní cájini sōho i jnūhun un núu súcuan? Tuú chi ni cajini sōho i, chi cáhán tutu iī: Nɨ́ɨ́ ñáyɨ̄vɨ ní cajini sōho ñayuu jnūhun jeē ní canacani de. Te nde nuū jicá gá tāca lado ni jinū jnūhun ún. Achí tutu.

2 CORINTIOS 5:11

Núu súcuan te cándiso īyo ri nuū maá Jítoho yō, te jeē yúcuan ndúcú ndéyɨ́ rí scandíje ri ñayuu. Te jíní Yaā Dios jeē cáhīyo ndaā rī, te ñúhun ni rī jeē suni súcuan cájini maá ró.

2 CORINTIOS 5:20

Núu súcuan te cácuu ri tēe cájica jniñu máá Cristo. Te jeē cahán rī, te nájnūhun jeē maá Yaā Dios cahán ndahú yá jiín ró. Núu súcuan te cácahān ndahú rí jiín ró jeē cahán Cristo, jeē na ndɨ́vɨcoo ró núū jnúhun manī Yaā Dios jiín ró.

2 CORINTIOS 6:1

Núu súcuan te sɨquɨ̄ jeē cácuu ri tēe cásájniñu jíín yá, te cácahān ndahú rí jiín ró jeē ma stóo uun ró jnúhun jeē ni sáha Yaā Dios jeē váha róhó.

COLOSENSES 1:23

Te súcuan sáha ya núu cuɨñɨ nīhin ró jéē candíje vāha ró, te núu quendōo nīhin ró jíín jnúhun vāha jeē cáñuhun ni rō jeē jnáma ya rohó, te ma siaá cuɨtɨ rō. Chi jnūhun un ní cajini ró, te ni jite núu nɨ́ɨ́ cáhnu ñayɨ̄vɨ́. Te ruhū Pablo suni jéjníñu ri jeē nácani ri jnūhun ún.

COLOSENSES 1:28

Te jnūhun Cristo un cúu jeē cánacani ri, te cástɨ́hvɨ́ ni rī tāca ñáyuu, te cástéén rī jnūhun ya návāha jecūhun vāha ni i. Te súcuan te ije vāha ni ndɨvii i jeē yɨ́hɨ i ndaha Cristo Jesús.

2 TIMOTEO 4:2

Cáhán nīhin ri jeē na nácani ró jnúhun ya, te stɨ́hvɨ́ ni rō i candíje i. Te níní sáha ró súcuan núu núne i chí vēsú tu núne i. Te sáha ró jéē na jécūhun ni i, te cahān rō nuū i, te cani ichí váha ró i, te jíín cuéhē paciencia steén rō nuū i.