SAN LUCAS 13:14 - New Testament in Mixtec Atatláhuca

¹⁴ Te tēe cújéhnu ini vehe iī sinagoga, ni quɨtɨ̄ ni de nuū Jesús jeē ní nasávāha ya ñahan un quɨ́vɨ̄ ndétātú. Te ni cahān de jíín ñáyuu: Iñū quɨvɨ̄ iyó jéē sájniñu yó, te tāca quɨ́vɨ̄ ún quijicoo ró nduvāha ró. Te quɨvɨ̄ ndétātú chi ma cúu, áchí de.

SAN LUCAS 13:14 ပူးပေါင်းရင်းမြစ်များ

SAN MATEO 12:2

Te ni cajito tēe grupo fariseo, te ni cacahān de jíín yá: Condēhé, chi tēe cáscuáha jíín ró casáha de jniñu jeē tu íyó váha sáha yó quɨ́vɨ̄ ndétātú, áchí ley Moisés.

SAN MARCOS 5:22

Te ni quee ɨɨn tēe cújéhnu ini vehe iī sinagoga, naní de Jairo. Te ná ni jito de nuū yā, te ni jecuɨñɨ̄ yɨtɨ́ de nuū jehé yā.

SAN LUCAS 6:11

Te yōhyo ni caquɨtɨ̄ ni tāca tée un, te ni quejéé de cándajnūhún de sɨquɨ̄ Jesús, ndese cahni de ya.

SAN LUCAS 6:7

Te tēe cástéén tutu ley jiín tée grupo fariseo, cájito yuhu de ya núu nasávāha ya tēe un quɨ́vɨ̄ ndétātú, návāha nihīn de cuēchi sɨquɨ̄ yā.

SAN LUCAS 8:41

Te ni quee ɨɨn tēe cújéhnu ini vehe iī sinagoga, naní de Jairo. Te ni jecuɨñɨ̄ yɨtɨ́ de nuū jehé yā, te ni cahān ndahú de jíín yá jeē na quíhín yā jiín de vehe de.

HECHOS 13:15

Te ni cahu tutu ley yā jiín tutu ní catee tēe ni canacani jnūhun ya nde jenahán. Yūcuán na te tēe cácujéhnu ini vehe iī sinagoga, vii‑ni ni catají de tēe cahān jiín Pablo jiín Bernabé: Amigo, núu íyó jnúhun cahān ni jéē stɨhvɨ́ ni ni ñáyuu yáha, te cahān ní na cúni nahín i núu súcuan, áchí de.

HECHOS 18:17

Yūcuán na te ñayuu griego ni cajnɨɨ i Sóstenes, tēe cújéhnu ini vehe iī sinagoga, te máá fuera yehyɨ́ vehe juzgado ni cacani i de, te Galión chi tu ní sáha cuɨtɨ de cuenta.

HECHOS 18:8

Te Crispo, tēe cújéhnu ini vehe iī sinagoga, ni candíje de máá Jítoho yō nde jiín ndɨhɨ ñayuu vehe de. Te cuehē ñayuu ñuu Corinto ni cajini nahín i jnūhun nácani Pablo, te ni cacandíje i, te ni cajendute i.

ROMANOS 10:2

Chi cáhán rī jeē vāha cásáha i jeē ndɨhvɨ́ ni i cáchiñúhún i Yaā Dios. Te vēsú súcuan te cáchiñúhún cáhá i.