SAN LUCAS 12:42 - New Testament in Mixtec Atatláhuca

⁴² Te ni cahān maá Jítoho yō: Cáhán rī jiín ndé‑ni ñayuu cúu nájnūhun mozo jeē ndito xinī te squícu vāha. Te máá patrón sáha de jeē condiso jníñu i coto i ñayuu vehe de, návāha scáji i máá hora.

SAN LUCAS 12:42 ပူးပေါင်းရင်းမြစ်များ

SAN MATEO 13:52

Te ni cahān yā jiín de: Iyó váha núu súcuan. Te ɨɨn tēe stéén tutu ley Yaā Dios, núu je ni cutūhva de ndese ndácu Yaā andɨvɨ́ jniñu, te cuu stéén de tāca jnúhun sɨquɨ̄ ún. Chi cúu de nájnūhun ɨɨn tēe chíí vehe. Te ini yejnū de táva de ndajníñu ndéé yahu, sava jeē jeé jíín sava jeē je ni cunahán íyó. Achí yá.

SAN MATEO 20:8

Te nuū ní ini, te tēe chíí ñuhun ni cahān de jíín tée cújéhnu nuū mozo de: Cana xinī tēe cásájniñu te chunaa rō yāhu de, te xīhna gā tēe ni quɨ̄vɨcoo sandɨ̄hɨ́, te sáá te tēe ni quɨ̄vɨcoo xīhna ñúhún, áchí de.

SAN LUCAS 12:43

Te yōhyo ndetū mozo un jéē núu ni ndee patrón, te cuni de jeē súcuan squícu vāha i.

SAN LUCAS 7:13

Te ná ni jito máá Jítoho yō nuū ña, te ni cundáhú ni yā ña, te ni cahān yā jiín ña: Ma ndahyú ni, áchí yá.

SAN LUCAS 7:19

Te ni cana Juan uū tēe ún, te ni tají de cuangoo nuū Jesús, návāha cajnūhún de ya núu máá yá cúu ndije Cristo jeē ní cachi Yaā Dios jeē tají yá, chí núu nasūu yá cúu te condetu de ɨnga.

HECHOS 20:28

Núu súcuan te coto vāha ní máá ní jiín ndɨhɨ ñayuu cácandíje, chi Espíritu Santo ni jeni ya nihín jéē cóndito ní ñáyuu maá Jítoho yō, chi ni nacuaan ya i jíín nɨ́ñɨ̄ yā.

1 TIMOTEO 3:15

návāha núu cucuéé rí, te je jíní rō ndese cánuú sáha vāha ñayuu cácuu sēhe Yaā Dios. Chi máá i cácuu ñayuu cácandíje nuū Yaā Dios, Yaā técu. Te máá i cásáha jeē iyó cutú jnúhun ndaā, chi cáhīin nīhin i jíín.

1 TIMOTEO 5:17

Te tāca tée jéhnu cándito ñayuu cácandíje, na jécunaā doble yāhu de, te núu cándɨhvɨ̄ ni de cástéén de cánacani vāha de jnūhun ya.

2 TIMOTEO 4:2

Cáhán nīhin ri jeē na nácani ró jnúhun ya, te stɨ́hvɨ́ ni rō i candíje i. Te níní sáha ró súcuan núu núne i chí vēsú tu núne i. Te sáha ró jéē na jécūhun ni i, te cahān rō nuū i, te cani ichí váha ró i, te jíín cuéhē paciencia steén rō nuū i.

TITO 1:7

Chi tēe cácujéhnu cándiso jníñu nuū ñáyuu cácandíje, cánuú caca ndaā de chi cándiso jníñu de sɨquɨ̄ jníñu Yaā Dios. Te ma satéyɨ́ de máá de, ma quɨtɨ́ yachī ni de, ma cúu de tēe nájīni, ma cuajnáhan de, te ma ndíyo ni de xūhún.

HEBREOS 13:17

Te cuandije ró núū tēe cácuu pastor rō, te cuandetū rō nuū de. Chi cándito de róhó jéē quéndōo vāha ánuá rō, chi cájini de jeē cánuú nacuāha de cuenta nuū yā. Te condɨhvɨ̄ ni rō sáha vāha ró, návāha cusɨɨ̄ ni de sɨquɨ̄ rō te ma cucuíhyá ni de sɨquɨ̄ rō. Chi núu tu súcuan te ma cóo jeē váha jíín ró.

HEBREOS 13:7

Te na núcūhun ni rō tācá pastor rō, jeē ní castéén de jnūhun Yaā Dios nuū rō. Te sáha vāha ro cuenta ndese ni nihīn jníñu jeē ní casáha de, te na ndácu ró de jeē ní cacandíje de jeē sáha ya jehē de.

HEBREOS 3:5

Te Moisés ni squícu vāha de jíín jniñu jeē ní cuu de mozo ni condito de ñayuu vehe Yaā Dios. Te ni castūhún de sɨquɨ̄ tāca jnúhun jeē steén yā tiempo quiji.

1 PEDRO 4:10

Tāca ró cuajníñu ró núū jnáhan ró, núu ndese íyó máá táhū rō jeē ni jéhe Yaā Dios jeē cuajníñu ró núū yā. Te squícu vāha ró jíín táhū jeē sɨ́ɨn sɨ́ɨn ni jēhe ya nuū ɨɨn ɨɨn ró.