SAN LUCAS 12:17 - New Testament in Mixtec Atatláhuca

¹⁷ Te tēe cúcá un ní nacani ni de: ¿Ndese sáha ri? Chi tuá ndé cuhun nɨñɨ ri. Achí de.

SAN LUCAS 12:17 ပူးပေါင်းရင်းမြစ်များ

SAN MATEO 16:7

Te tēe cáscuáha un ní cacahān maá de: Va sɨquɨ̄ jeē tú na staā ndíso yó, jeē yúcuan cáhán yā súcuan, áchí de.

SAN MATEO 5:42

Te na‑ni ñayuu núu jícán i ndajníñu ró, te cuāha ró núū i. Te ñayuu jicán núu ndajníñu nuū rō, ma sasáhán ró cuāha ró núū i.

SAN LUCAS 10:25

Yūcuán na te ɨɨn tēe stéén tutu ley Yaā Dios, ni ndocuɨñɨ̄ de ni jecahān de jíín Jesús, chi cúní de coto ndee de ya. Te ni cajnūhún de: Maestro, ¿na vé sáha ná te nihīn tahú na cotecu na nɨ́ɨ́ cáni andɨvɨ́? áchí de.

SAN LUCAS 11:41

Te jeē cájēhe ró caridad nuū ñáyuu ndahú, na sáha ró sɨ́quɨ̄ jeē cundáhú ndije ni rō i. Te súcuan te coo ndaā anuá rō.

SAN LUCAS 12:16

Yūcuán na te ni cahān yā ɨɨn jnūhun yátá jíín i: Ni īyo ɨɨn tēe cúcá jeē névāha ñuhun jeē cúu vāha ndasɨ́ itu.

SAN LUCAS 12:18

Te ni jeni ni de: Suhva na sáha ri. Na cánu rī tāca yácā rī, te nasáha ri jeē náhnu ga. Te yūcuán chuvāha ndɨhɨ ri nɨñɨ ri jiín táca ndajníñu ri.

SAN LUCAS 12:22

Te ni cahān yā jiín tée cáscuáha jíín yá: Núu súcuan te cáhán rī jiín ró: Ma nácani ndasɨ́ ni rō sɨquɨ̄ jeē cótecu rō, núu ndese caji rō, ni sɨquɨ̄ sahma, núu ndese cuhun ró.

SAN LUCAS 12:29

Núu súcuan te ma nácani cuíhyá ni rō ndese caji rō ndese coho ró.

SAN LUCAS 12:33

Xīco ró jeē cánevāha ró, te cuāha ró xúhun un núū ñáyuu ndahú. Te súcuan caya rō tahū rō nde andɨvɨ́ núū ma cútúhú, nájnūhun jeē chúvāha ró xúhun ini yɨjnɨ. Chi nde andɨvɨ́ te ma náā jeē váha conevāha ró. Chi yūcuan má quɨ́vɨ ñacuīhná, ni ma cúu stɨ́vɨ tiquíxin.

SAN LUCAS 16:3

Yūcuán na te jéni ni maá de: ¿Ndese sáha ri vijna? Chi patrón rī quenehen de jniñu ri. Te tú ndacuī rī jeē cáte ri ñuhun, te jeē cacán rī caridad chi cúcanu rī.

SAN LUCAS 16:9

’Núu súcuan te cáhán rī jiín ró jeē ndichí gá na sáha ró vēsú jeē ni sáha mozo ndichí un. Chi ini ñayɨ̄vɨ yáha nuū yɨ́hɨ cuēchi, na sáha ró jniñu váha jíín xúhun ró, cuāha ró núū ñáyuu ndahú, návāha vēsú núu ni ndɨhɨ xūhun ró ñayɨ̄vɨ yáha, te quɨ̄vɨcoo ró andɨvɨ́ núū coo vehe ró nɨ́ɨ́ cáni.

SAN LUCAS 18:22

Te Jesús ni jini ya jnūhun yáha, te ni cahān yā jiín de: Ɨɨn na jniñu cúmanī sáha ró núu súcuan. Xīcó ndɨhɨ jeē névāha ró, te cuāha ró núū ñáyuu ndahú. Te nde andɨvɨ́ cuāha ya jeē váha ndasɨ́ núū rō. Yūcuán na te quiji ró condiquīn rō ruhū, achí yá.

SAN LUCAS 19:17

Te ni cahān maá rey: Vāha mozo cúu ró, te vāha ni sáha ró. Chi ni squícu vāha ró jíín ɨɨn jniñu lúlí‑ni, te vijna te sáha ri jeē cujéhnu ró ndacu ró jniñu nuū uxí ñuu jnɨ́ɨ ri, achí de.

SAN LUCAS 3:11

Te ni cahān de: Róhó jéē cánevāha uū sahma, na cuáha ró ɨɨn nuū jeē tu névāha. Te róhó jéē cánevāha jeē yéji, suni súcuan na sáha ró, áchí de jíín i.

HECHOS 16:30

Te ni quenehen de Pablo jiín Silas, te ni cajnūhún de: Tátā, ¿na vé cánuú sáha ná te jnama ya sāñá? áchí de.

HECHOS 2:37

Te jeē súcuan ni cajini sōho i jnūhun yáha, te ni cajnahuhū ni anuá i. Te ni cacajnūhún i Pedro jiín táca gá apóstol: ¿Te ndese sáha ná jíjnáhan ná núu súcuan? áchí i.

ROMANOS 12:13

Te coto ndáhú ró ñayuu cácandíje núu cúmanī nuū i. Te cuāha núu ró vehe nuū ñáyuu cájica.

1 TIMOTEO 6:17

Te cahān rō jiín ñáyuu cucá ndajníñu ñayɨ̄vɨ yáha, jéē ma cúndúxí i. Te ma ténuū i xūhún i, chi yachī naa ún. Chi sa suhva na ténuū i jeē coo vāha i sáha Yaā Dios, Yaā técu, chi máá yá jéhe cuehē yā tācá‑ni jeē cúsɨɨ̄ ni yō jiín.

1 JUAN 3:16

Jeē ni jíhī Cristo jehē yō, yūcuan cúu jeē steén cají ndese cúu jnūhun cúndáhú ni. Te máá yó, chi suni súcuan jíni ñúhún cundáhú ni yō jnáhan yó vēsú na cúū yō jehē i.