SAN LUCAS 11:27 - New Testament in Mixtec Atatláhuca

²⁷ Te níní cáhán yā jnūhun yáha, te ɨɨn ñahan íne mēhñu ñáyuu cuehē un, ní cahān jee ña jíín yá: Yōhyo ndetū ñahan ní scácu níhín te ni scáxin ña níhín, áchí ña.

SAN LUCAS 11:27 ပူးပေါင်းရင်းမြစ်များ

SAN LUCAS 1:28

Te ni quɨ̄vɨ ndajéhé un núū ndeé ña, te ni cahān yā: Tandii, nacā ndetū cúu ró. Chi máá Jítoho yō Yaā Dios iyó yá jiín ró, te ni sáha ya jeē yóhyo ndetū gā cúu ró núū tāca gá ñahan, áchí yá.

SAN LUCAS 1:42

Te ni cahān jee ña: Ni sáha Yaā Dios jeē yóhyo ndetū gā cúu ró núū tāca gá ñahan, jíín jéē yóhyo ndetū sēhe ró.

SAN LUCAS 1:48

Chi ni sáha ya cuenta ruhū, vēsú tu cújéhnu ri. Te na squícu ri jniñu ndácu ya. Te nde vijna te tāca ñáyuu jeē nácacu, cahān i jeē yóhyo ndetū rī.

SAN LUCAS 11:26

Yūcuán na te jéquihin uxā gā tachī xeén gā vēsú maá. Te quɨ́vɨcoo ini tēe un jéē cóyūcu yúcuan. Núu súcuan te xeēn gā ndoho tēe un jéē sándɨ̄hɨ́ vēsú jeē xíhna ñúhún. Achí yá.

SAN LUCAS 23:29

Chi quee quɨvɨ̄ jeē coo jnūndóho xeēn sɨquɨ̄ rō, te cahān rō: Yōhyo ndetū tācá ñahan númá, jíín jéē tu ní scácu sēhe, jíín jéē tu ní cóndeca yɨquɨ́n, chi tú sēhe ña jeē jnahuhū ni ña jeē ndóho i, achi rō jijnáhan ró.