SAN LUCAS 11:15 - New Testament in Mixtec Atatláhuca

¹⁵ Te sava ñayuu ún chi ni cacahān i: Jíín fuerza Satanás jeē cujéhnu nuū tachí, quénehen tēe yáha táca táchī ini ñayuu, achí i.

SAN LUCAS 11:15 ပူးပေါင်းရင်းမြစ်များ

SAN MATEO 10:25

Tēe scuáha chi nájnūhun ndóho maestro de suni súcuan ndoho nahín máá de, te tēe cúu mozo suni ndoho de nájnūhun ndóho patrón de. Núu súcuan te núu ruhū cácahān i jeē Satanás cúu ri, te nagā ni cuu jeē ma cahán i jeē rohó cácuu Satanás.

SAN MATEO 12:22

Yūcuán na te ni caquindeca i nuū yā ɨɨn tēe cuáá ñɨ́hɨ́n, chi ñúhun tachī ini de. Te ni nasávāha ya de. Te ni ndundijin tɨnūú de te ni nacahān de.

SAN MATEO 4:24

Te ni jitē núu jnūhun ya cuahān nɨɨ́ región Siria. Te nuū yā ni caquindeca i tāca ñáyuu cácuhū, ñayuu cándoho tɨjnɨ nuū cuehyɨ́, jiín jéē jetú, jíín jéē ñúhun tachī ini, jiín jéē jihí yɨ̄hɨ́, jíín jéē ni íjin. Te ni nasávāha ya i jíjnáhan i.

SAN MATEO 9:34

Te tēe grupo fariseo chi ni cacahān de: Tēe yáha chi quénehen de tachī jiín fuerza maá jexeén jeē cujéhnu nuū tachī, achí de.

SAN JUAN 10:20

Te cuehē i ni cacahān: ¿Naun cáchusóhó ró jeē cahán de? Chi ñúhun tachī ini de, te ni tɨ̄vɨ xínī de.

SAN JUAN 7:20

Te ni cacahān ñayuu cuehē ún: Tachī ndóho ró. ¿Ndé ɨɨn cúní cahni rohó?

SAN JUAN 8:48

Yūcuán na te ni cacahān jnáhan ñuu yā hebreo un: Ndaā cácahān rī jeē canéé ró nájnūhun ñayuu Samaria, te ñúhun tachī ini rō.

SAN JUAN 8:52

Te tēe hebreo un tu ní cájecūhun ni de, te ni cacahān de: Vijna te ni cacucáhnu ni rī jeē ñúhun ndije tachī ini rō. Chi Abraham jiín táca tée ni canacani jnūhun Yaā Dios nde jenahán, ni cajihī de. Te róhó cáhán rō, núu ndé vé squícu jnūhun cáhán rō, te ma cúū cuɨtɨ i, áchí ró.