SAN LUCAS 10:7 - New Testament in Mixtec Atatláhuca

⁷ Te suni vehe yúcuan coyūcu ró, te caji rō coho ró jéē cuáha ñayuu nuū rō. Chi sɨquɨ̄ jniñu jeē nácani ró jnúhun nuū ñáyuu, te cánuú coto i róhó. Ma quéndōo ró tɨjnɨ vehe, chi ɨɨn‑ni vehe.

SAN LUCAS 10:7 ပူးပေါင်းရင်းမြစ်များ

SAN MARCOS 6:10

Te suni ni cahān yā jiín de: Na‑ni vehe núu ni quɨ̄vɨcoo ró, te yūcuán coyūcu ró ndé quenda tucu ró quíhīn rō ɨnga ñuu.

SAN LUCAS 10:6

Te núu vehe yúcuan íyó ñáyuu vāha, te jnūhun ndeyɨ́ ní cahān rō jinū sɨquɨ̄ i. Te núu tuú, te jnūhun ndeyɨ́ ní cahān rō ma jinú sɨquɨ̄ i.

SAN LUCAS 9:4

Te na‑ni vehe núu ni quɨ̄vɨcoo ró, te yūcuán coyūcu ró nde quenda tucu ró quíhīn rō ɨnga ñuu.

HECHOS 16:15

Te ni jendute ña nde jiín ñáyuu cáyūcú vehe ña, te ni cahān ndahú ña jíín ná: Núu cácucáhnu ni ni jéē candíje ndije ná máá Jítoho yō, te cuajeē ní coyūcu ní vehe ná, áchí ña. Te ni cana fuerza ña sāña jíjnáhan ná.

HECHOS 16:34

Te ni jeca de Pablo jiín Silas cuahān de jíín vehe de, te ni jēhe de staā ni cayeji de, te cácusɨɨ̄ ni ndɨhɨ de vehe de jeē ní cacandíje de Yaā Dios.

HECHOS 16:40

Yūcuán na te ni quendacoo de vecāa, te ni jengoo tucu de vehe Lidia, te ni cacahān de jnūhun ndeyɨ́ ni jiín táca hermano. Te ni caquihin de ichi cuangoo de.

GÁLATAS 6:6

Te róhó jéē cascuáha jnūhun vāha ya, na chíndéé ñáhán ró tēe cástéén nuū rō jiín táca jéē váha cánevāha ró.

1 TIMOTEO 5:13

Te suni caca cuu ña tācá‑ni vehe te quee cúxí ña. Te nasūu máni jeē cáca cúxí ña, chi suni sɨquɨ̄ jeē sajnúhún ña, te quɨ̄vɨ nduu ña cahān ña jnūhun jeē tu íyó váha jeē cahán ña.

2 TIMOTEO 2:6

Te tēe sájniñu nīhin ñuhun, máá de cúu jeē nihín xīhna gā jeē cuáha itu.