SAN LUCAS 1:41 - New Testament in Mixtec Atatláhuca

⁴¹ Te nuū ní jini Elisabet jeē cahán María jiín ña, te sūchi ñúhun chīji ña ni canda‑ni i. Te ni cunuú Espíritu Santo ini anuá ña.

SAN LUCAS 1:41 ပူးပေါင်းရင်းမြစ်များ

SAN LUCAS 1:15

Chi cujéhnu sēhe ró sáha máá Yaā Dios. Te ma cóho i vino ni ndixi cuīí. Te cunuú máá Espíritu Santo jiín i, nde ná tu cacu i.

SAN LUCAS 1:40

Te ni jinū ña vehe Zacarías, te ni cahān ña jíín Elisabet.

SAN LUCAS 1:42

Te ni cahān jee ña: Ni sáha Yaā Dios jeē yóhyo ndetū gā cúu ró núū tāca gá ñahan, jíín jéē yóhyo ndetū sēhe ró.

SAN LUCAS 1:44

Chi jeē ní jini‑ni ri jnūhun ni cahān rō jiín rí, te sūchi ñúhun chīji ri ni canda i jeē cúsɨɨ̄ ni i.

SAN LUCAS 1:67

Te tátá i Zacarías ni cunuú Espíritu Santo jiín de, te ni nacani de jnūhun ni steén Yaā Dios nuū de:

SAN LUCAS 4:1

Te Jesús ni cunuú Espíritu Santo ini yā, te ni quenda ya yūte Jordán cuahān yā. Te ni jinū yā nde nuū ñúhun téhé ní sáha Espíritu Santo.

HECHOS 2:4

Te ndɨhɨ i, ni cunuú Espíritu Santo jiín i, te ni quejéé i cácahān i sɨ́ɨn sɨ́ɨn yuhu, ndese ni steén maá Espíritu nuū ná ɨɨn ná ɨɨn i cahān i.

HECHOS 4:8

Yūcuán na te Pedro chi ni cunuú maá Espíritu Santo jiín de, te jíín poder yā ni cahān de jíín táca tée ún: Tāca níhín tée cácujéhnu nuū ñúū yō Israel jiín táca níhín tée jéhnu cándīso jníñu,

HECHOS 6:3

Núu súcuan te róhó, hermano, nacāji ró úxā jnáhan máá yó, te na cóndiso jníñu de saja de staā. Te nacāji ró tée jeē cájejnúhún ñáyuu de, tēe ndíchí jéē ní cunuú Espíritu Santo jiín de.

HECHOS 7:55

Te máá Esteban chi ni cunuú Espíritu Santo jiín de. Te ni jito de ichi ándɨvɨ́, te ni jini de jeē ndíndēe núū néne Yaā Dios, te índichi Jesús ichi ndáváha ya.

HECHOS 9:17

Yūcuán na te cuahān Ananías. Te ni quɨ̄vɨ de ini vehe nuū néne Saulo, te ni soó de ndaha de xinī Saulo, te ni cahān de: Hermano Saulo, máá Jítoho yō Jesús, Yaā ní quenda ndijin nuū ní ichi jeē véji ní, ni tají yá sāña véji ná núū ni návāha na nánune tɨnūu ní, te návāha na cúnuú Espíritu Santo yā jiín ní, áchí de.

EFESIOS 5:18

Te ma nájīni ró, chi tɨ̄vɨ ró sáha. Chi sa suhva na ndúcú ró jeē cúnuú Espíritu Santo ini anuá rō.

APOCALIPSIS 1:10

Te ɨɨn domingo ni jito ndijin rī jeē ni stéén maá Espíritu Santo nuū rī. Te ni jini sōho ri ɨɨn jeē cána jee nīhin ichi yátá rī nájnūhun jeē tɨ́vɨ trompeta.