SAN LUCAS 1:32 - New Testament in Mixtec Atatláhuca

³² Te cujéhnu i, te conaní i Sēhe Yaā cujéhnu téyɨ́. Te máá yá jeē cúu ya Jitoho yō Yaā Dios, sáha ya jeē cuu i rey, nájnūhun jíí i David ni cuu de rey.

SAN LUCAS 1:32 ပူးပေါင်းရင်းမြစ်များ

SAN MATEO 1:1

Yāha cúu lista ñayuu yucūn jeē ní quiji Jesucristo. Te máá yá ni quiji nuū yucūn rey David, te David ni quiji nuū yucūn Abraham.

SAN MATEO 12:42

Te reina jeē ní cujéhnu nación ichi sur, natecu ña jíín ñáyuu tiempo yáha, quɨvɨ̄ juicio jeē sándaā yā cuēchi, te cahān ña cuēchi sɨquɨ̄ i. Chi nde jicá téyɨ́ ní quiji ña ni jini nahín ña jnūhun ndíchí ní cahān rey Salomón. Te vijna chi cújéhnu ga ruhū, Yaā íne yāhá vēsú Salomón, te tu cácandíje ró rúhū.

SAN MATEO 28:18

Te ni quee ya nde nuū de, ni cahān yā jiín de: Je ni jēhe Tátá rī ndɨhɨ poder nuū rī jeē ndácu ri jniñu andɨvɨ́ jíín ñáyɨ̄vɨ́.

SAN MATEO 3:11

Te ruhū chi jíín ndute scuándute ri rohó, te yūcuan cúu jeē steén rō jeē ní canacani ni rō jeē stóo ró cuéchi ró. Te Yaā jeē quíji, chi nájnūhun scuándute ya rohó cúu jeē cuáha ya Espíritu Santo condee ini anuá rō, te poder yā cúu nájnūhun ñuhūn. Te Yaā quiji chi cújéhnu ndasɨ́ yá. Chi tú na vé jéhnu cuɨtɨ cúu ri nuū yā, ni jeē cuajníñu ri nuū yā vēsú ɨɨn jniñu lúlí gá nájnūhun jeē quénehen ri ndijēn yā.

SAN MARCOS 14:61

Te máá yá tu ní cáhán cuɨtɨ yā, chi tú na vé ni stíó cuɨ́ñɨ́ yā. Te sutū cujéhnu ga ni cajnūhún tucu de ya: ¿A máá ró cúu Cristo, Sēhe Yaā vāha jeē cujéhnu? áchí de jíín yá.

SAN MARCOS 5:7

Te ni cana cóhó de: ¿Naun vēji ní núū ná, Jesús Sēhe Yaā Dios, Yaā cujéhnu téyɨ́? Cáhán ndahú ná jíín ní, jíni nahín Yaā Dios, ma stóho ní sáña, áchí de.

SAN LUCAS 1:15

Chi cujéhnu sēhe ró sáha máá Yaā Dios. Te ma cóho i vino ni ndixi cuīí. Te cunuú máá Espíritu Santo jiín i, nde ná tu cacu i.

SAN LUCAS 1:35

Te ni cahān ndajéhé un: Máá Espíritu Santo quiji sɨquɨ̄ rō, te poder maá Yaā cujéhnu téyɨ́ sáha ɨɨn jniñu jéhnu jíín ró. Te jeē yúcuan máá súchi íī jeē cácu, quɨhɨ cuenta i nuū Yaā Dios, te cahān ñayuu jeē Séhe Yaā Dios cúu i.

SAN LUCAS 1:76

Te róhó súchi lúlí, cuu ró tée nacani jnūhun Yaā cujéhnu téyɨ́. Chi cosnūu ró ichi núú maá Jítoho yō, návāha sátūhva ró ñáyuu, te sáá te quiji ya.

SAN LUCAS 3:16

Te ni cahān Juan jiín i jíjnáhan i: Ruhū chi jíín ndute scuándute ri rohó. Te vēji ɨɨn Yaā jeē nájnūhun scuándute ya rohó cúu jeē cuáha ya Espíritu Santo condee ini anuá rō, te poder yā cúu nájnūhun ñuhūn. Te cújéhnu ndasɨ́ yá, chi tú na vé jéhnu cuɨtɨ cúu ri nuū yā, ni jeē cuajníñu ri nuū yā vēsú ɨɨn jniñu lúlí gá nájnūhun jeē ndají rí vēsú correa ndijēn yā.

SAN LUCAS 6:35

Núu súcuan te cundáhú ni rō ñayuu cájito uhū rohó, te sáha vāha ró jíín i, te cuāha núú ró núū i. Te ma cuáha ró máá sɨ́quɨ̄ jeē cani ni rō jeē suni nacuāha i nuū rō. Te súcuan te cáhnu coo tahū rō, te stéén rō jeē cácuu ró séhe Yaā cujéhnu téyɨ́. Chi máá yá vāha ni yā jiín ñáyuu tu nácuatáhú núū yā jiín ñáyuu casáha néé.

SAN JUAN 12:34

Te ni cacahān ñayuu jiín yá: Ni cajini sōho ná jéē cahán tutu ley Yaā Dios cánevāha yó, jeē Cristo cotecu yā nɨɨ́ cáni. ¿Te naun cáhán ni jéē Yaā ní nduu tēe, cánuú condita caa ya cuu yā? ¿Ndé ɨɨn cúu máá Yáā ní nduu tēe núu súcuan? Achí i.

SAN JUAN 6:69

Te ni cacandíje ná te cájini na jéē maá ní cúu Cristo, Sēhe Yaā Dios, Yaā técu, achí de.

HECHOS 16:17

Te sūchí un ndíquín i sāña jíjnáhan ná cána jee i: Tēe yáha cájejníñu de nuū Yaā Dios, Yaā cujéhnu téyɨ́, te cácastūhún de ndese cācu ní núū cuéchi ní jíjnáhan ní, áchí i.

HECHOS 2:30

Chi ni cuu de tēe ni nacani jnūhun Yaā Dios nde jenahán. Te ni jini de jeē váha ni jejnūhun ya nuū de jeē chíji yucūn maá de quiji Cristo, te condee yā mesa de ndacu ya jniñu nájnūhun ni ndacu de jniñu jeē ní cuu de rey.

HECHOS 2:36

’Núu súcuan te ndɨhɨ ní jéē cácuu yó ñayuu Israel, na cúni vāha ní jéē vēsú ni cajehni ni yá jicā cruz, te Yaā Dios ni jeni ya maá Jesús jeē cúu ya Jitoho yō te suni cúu ya Cristo, Yaā jnáma yóhó, áchí Pedro jiín i.

HECHOS 7:48

Te vēsú súcuan ni cuu te Yaā cujéhnu téyɨ́, tu ndéé yá maá vehe jeē casáha ñayuu, nájnūhun ni cahān tēe ni nacani jnūhun ya nde jenahán:

ROMANOS 1:4

Te ni natecu yā mēhñu ndɨ́yɨ ni sáha Espíritu iī, te súcuan ni steén Yaā Dios jeē cúu ya Sēhe ya jeē ndíso poder.

APOCALIPSIS 3:7

’Te tee ró jnúhun yáha na quíhín nuū jeē cujéhnu nuū ñáyuu cácandíje ñuu Filadelfia: Súcuan cáhán ruhū, Yaā ndoo Yaā ndaā, te névāha ri ndacáa rey David. Te máá rí núne jeē quɨ́vɨ ñayuu nuū ndácu ri jniñu, te ni ɨɨn ma cúu casɨ, te máá rí jésɨ, te ni ɨɨn ma cúu nune.