SAN LUCAS 1:26 - New Testament in Mixtec Atatláhuca

²⁶ Te nuū iñú yoō, te ni tají Yaā Dios ndajéhé yā Gabriel, ni jehēn yā ɨɨn ñuu naní Nazaret, ndañúū Galilea.

SAN LUCAS 1:26 ပူးပေါင်းရင်းမြစ်များ

SAN MATEO 2:23

Te ni jinū de yūcuán, te ni coyūcú de ñuu naní Nazaret. Súcuan ni cuu návāha squícu jnūhun ni cacahān tēe ni canacani jnūhun Yaā Dios nde jenahán. Chi ni cacachi de jeē cahān ñayuu jeē tée ñuu Nazaret cúu Jesús.

SAN LUCAS 1:19

Te ni cahān ndajéhé un jíín de: Máá rí cúu Gabriel, te íne ri nuū Yaā Dios, jejníñu ri nuū yā. Te ni tají yá ruhū vēji ri cahān rī jiín ró, te nácani ri jnūhun vāha yáha núū rō.

SAN LUCAS 2:39

Te ni jīnu ni casquícu de tācá jniñu ndácu ley maá Jítoho yō Yaā Dios, te cuanungoo de ñuu de Nazaret, ndañúū Galilea.

SAN LUCAS 2:4

Te suni José ni quenda de ñuu Nazaret, ndañúū Galilea. Te cuanuhun de región Judea, te ni najinū de ñuu Belén, jeē cúu ñuu nuū ní cacu rey David jenahán. Chi sēhe yucūn David cúu de.

SAN JUAN 7:41

Te sava ga i ni cacahān: Tēe yáha cúu Cristo, Yaā ní tají Yaā Dios. Te sava ga i chi ni cacahān i: Tuú chi nasūú Galilea quiji Cristo.