SAN JUAN 9:17 - New Testament in Mixtec Atatláhuca

¹⁷ Te ni cacajnūhún tucu de tēe ni īyo cuáá un: Róhó, ¿ndese cáhán rō sɨquɨ̄ tée ni nanune tɨnūu ró núu súcuan? Te máá de ni cahān de: Ɨɨn tēe nácani jnūhun Yaā Dios cúu de, áchí de.

SAN JUAN 9:17 ပူးပေါင်းရင်းမြစ်များ

SAN MATEO 21:11

Te ni cacahān ñayuu vējicoo jíín yá: Yāha cúu Jesús jeē nácani jnūhun Yaā Dios, jeē véji nde ñuu Nazaret ndañúū Galilea. Achí i.

SAN LUCAS 24:19

Te ni cajnūhun yá de: ¿Te na vé ni cuu? Achí yá. Te ni cacahān de jíín yá: Jeē ní ndoho Jesús ñuu Nazaret, Yaā ní nacani jnūhun Yaā Dios. Te jíín poder Yaā Dios ni sáha ya tācá jniñu jéhnu te ni nacani ya jnūhun, jíto jínúū Yaā Dios jiín táca ñáyuu.

SAN JUAN 4:19

Te jeē súcuan ni cahān yā, te ni cahān ña: Tátā, ɨɨn tēe nácani jnūhun Yaā Dios cúu ní, jéni ni ná.

SAN JUAN 6:14

Te ñayuu un ní cajito i jniñu jéhnu ni sáha Jesús jeē ni stéén yā poder yā. Te ni cacahān i: Jendaá ndije jeē tée yáha cúu jeē cahán tutu jeē quíji ini ñayɨ̄vɨ jéē nácani jnūhun Yaā Dios. Achí i.

SAN JUAN 9:15

Te tēe fariseo un ní cacajnūhún tucu de tēe ún ndese ni nanune tɨnūú de. Te ni cahān de: Ni tee de ndehyū sɨquɨ̄ tɨnūu ná, te ni nacate ná, te ni ndundijin‑ni tɨnūu ná, achí de.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

HECHOS 2:22

’Jeē yúcuan níhín tée ñuu yō Israel, cuni nahín gá ni jnúhun yáha jíjnáhan ní. Ni steén Yaā Dios jeē ní tají yá maá Jesús, Yaā ní jehnu ñuu Nazaret, chi máá Yáā Dios ni jēhe ya jeē ni sáha Jesús jniñu jéhnu mēhñu máá ní, jiín jniñu jeē steén jeē cujéhnu ya, te jniñu un ní canaa ni ni ní cajito ní. Te je cájini vāha ní jéē súcuan ni cuu.