SAN JUAN 7:6 - New Testament in Mixtec Atatláhuca

⁶ Yūcuán na te ni cahān Jesús: Ná tu quee maá quɨ́vɨ̄ jeē quihín rī. Te máá ró jijnáhan ró chi na‑ni quɨvɨ̄‑ni te cuu quingoo ró.

SAN JUAN 7:6 ပူးပေါင်းရင်းမြစ်များ

SAN MATEO 26:18

Te ni cahān yā: Cuángoo nde ñuu, vehe tēe jeē jé ni cacahān yō, te cahān rō jiín de: Achí máá Maestro jeē ní cuyajni quɨvɨ̄ cuu yā. Te vijna te caji yā vico pascua ini vehe ní jíín tée cáscuáha jíín yá, achi rō. Achí yá.

SAN JUAN 13:1

Te jehíni ɨnga quɨvɨ̄ te quejéé vico pascua. Te je jíní Jesús jeē ní quee quɨvɨ̄ jeē quénda ya ñayɨ̄vɨ yáha quínuhun yā nuū Tatá yā. Te níní cúndáhú ni yā ñayuu maá yá jeē cáyūcú ini ñayɨ̄vɨ́. Te vijna jeē jínu jeē íne ya ñayɨ̄vɨ́, te sáha ya ɨɨn jniñu jeē steén cají yá jeē cundáhú ni yā i.

SAN JUAN 17:1

Te ná ni cahān Jesús tāca jnúhun yáha, te ni ndacoto ya ichi ándɨvɨ́, te ni cahān yā: Tátā, je ni quee quɨvɨ̄ jeē ndóho ná. Vijna te stéén ni jéē cujéhnu máá ná jeē cúu ná Séhe ní, návāha suni máá ná steén na jéē cujéhnu máá ní.

SAN JUAN 2:4

Te ni cahān Jesús jiín ña: ¿Naun cáhán ni súcuan jíín ná nánā? Chi ná tu quee quɨvɨ̄ jeē sáha ná jniñu jéhnu, áchí yá.

SAN JUAN 7:30

Yūcuán na te ni canducú de jnɨɨ de ya. Te ni ɨɨn de tu ní cúu jnɨɨ de ya, chi ná tu quee maá quɨ́vɨ̄ jeē jnɨ́ɨ de ya.

SAN JUAN 7:8

Cuángoo máá ró vico ún. Te máá rí chi ma quihín rī vijna, chi ná tu quee maá quɨ́vɨ̄ cánuú quíhīn rī. Achí yá.

SAN JUAN 8:20

Tāca jnúhun yáha ní cahān Jesús jeē steén yā ini templo nuū cáyūcu yéjnū jeē cásocō i xūhún. Te tú ni ɨɨn de ní jnɨ́ɨ de ya, chi ná tu quee maá quɨ́vɨ̄ jeē jnɨ́ɨ de ya.

HECHOS 1:7

Te ni cahān yā: Ma cúu cuni rō quɨvɨ̄ chí cuíyā jeē cóo jeē ni sándaā maá Tátá rī, chi máá ɨɨn‑ni máá yá jiní yā na quɨvɨ̄ sáha ya.