SAN JUAN 7:15 - New Testament in Mixtec Atatláhuca

¹⁵ Te ni canaa ni jnáhan ñuu yā hebreo cájini sōho i, te ni cacahān i: ¿Ndese jíní tēe yáha cuéhē jnūhun ndíchí, chi tu ní jíca de escuela? áchí i.

SAN JUAN 7:15 ပူးပေါင်းရင်းမြစ်များ

SAN MATEO 13:54

Te ni najinū yā ñuu yā Nazaret. Te ni steén yā jnūhun ini vehe iī sinagoga yūcuán. Te ni canaa ni ñayuu cájini nahín i, te ni cacahān i: ¿Ndé nuū ní cutūhva tēe yáha tāca jnúhun ndíchí? ¿Te ndese cúu sáha de tācá jniñu jéhnu yāhá?

SAN MATEO 22:22

Te nuū ní cajini de jeē ndichí ní cahān yā jnūhun yáha, te ni canaa ni de, te ni castóo de ya, te cuangoo de.

SAN MATEO 22:33

Te ñayuu un ní canaa ni i cájini nahín i jnūhun stéén yā.

SAN LUCAS 2:47

Te tāca ñáyuu cájini jnūhun cáhán i, cánaa ni cájito jeē váha cájí xínī i te vāha nástíó cuɨ́ñɨ́ i jnūhun.

SAN LUCAS 4:22

Te ndɨvii i ni cacahān jeē váha tēe cúu ya, te cánaa ni i jeē ní cajini i tāca jnúhun luu ni cahān yā. Te ni cacajnūhun jnáhan i: ¿A násūu séhe José cúu tēe yáha?

SAN JUAN 1:19

Te ñayuu hebreo ñuu Jerusalén, ni catají i jecu sutū jiín tée grupo levita jeē cájejníñu ini templo, ni jengoo de nuū Juan, návāha cajnūhún de ndé ɨɨn cúu Juan te na jniñu ndíso de.

SAN JUAN 7:11

Te jnáhan ñuu yā hebreo cánanducú i ya nuū víco ún, te cácahān i: ¿Ndé nuū íne tēe ún? áchí i.

SAN JUAN 7:13

Te yuhu‑ni ni cacahān i jnūhun ya, chi cáyūhú i jeē quɨtɨ́ ni jnáhan i tēe hebreo.

SAN JUAN 7:46

Te ni cacahān policía un: Tú cuɨtɨ ni ɨɨn tēe cáhán vāha ndasɨ́ nájnūhun cáhán tēe yúcuan, áchí.

HECHOS 26:24

Te súcuan ni cahān Pablo jehē maá de, te ni cahān jee Festo: Ni nduloco rō, Pablo. Sɨquɨ̄ jeē ni scuáha ndasɨ́ ró te jeē yúcuan ní tɨ̄vɨ xínī rō, áchí de.

HECHOS 4:13

Yūcuán na te ni cajini un jéē Pedro jiín Juan jéhnu‑ni cácahān de. Te je cájini jeē tú tūhva de, chi tēe súcuan‑ni cácuu de. Te ni canaa ni cájito nuū de, te ni casáha cuenta jeē ní cajica de jíín Jesús.